hestory.edu.net

اهلا
hestory.edu.net

hestory.ahlamontada.net

مرحبا بالأعضاء الجدد والقدامى
ادارة المنتدى تتمنى لكم قضاء وقت سعيد

المواضيع الأخيرة

المواضيع الأخيرة

التبادل الاعلاني

التبادل الاعلاني


    لا تقرأ هذا المقال

    شاطر
    avatar
    khaled
    Admin

    عدد المساهمات : 461
    نقاط : 881
    السٌّمعَة : 3
    تاريخ التسجيل : 09/08/2009
    العمر : 27
    الموقع : جديلة

    لا تقرأ هذا المقال

    مُساهمة من طرف khaled في الجمعة أكتوبر 09, 2009 4:55 pm

    مفيش فايده برضه دخلت على المقال وعاوز تعرف هو مكتوب فيه إيه ، طبعا ده معناه إن الفضول عنك زايد شويتين أو تلاته وعلى العموم مدمت دخلت على المقال علشان تقرأ هو مكتوب فيه إيه يبقى استحمل وإوعى إوعى إوعى تخاف من المكتوب جوه ودلوقتي عندك خيارين الأول إنك تخلص الموضوع بدري وهنا يبقى بص على آخر المقال هتلاقي مكتوب السلام عليكم ، وعليكم السلام ابقى إسأل عليه ، والخيار التاني بقلك إيه هو اسمه الخيار هتقعد تقول جزر وخس وفجل لأ هو اسمه خيار وبطل بقى علشان تكمل ، الخيار بيقول إنك تكمل وإذا كملت يبقى إنت بثبت إنك شجاع ومش خايف تواجه مصيرك استنه إوعى تكون زهقت طالما إنك هتكمل يبقى تستحمل ومدام هتستحمل يبقى أنا هقولك على السر الخطير إلي هتلقيه مكتوب في المقال ، السر عشان تعرفه لازم تجاوب على الأسئلة إلي مكتوبة ، جاوب على الأسئلة واربح معنا معرفة السر الخطير وعشان مكنش طولت عليك وممكن تكون حرارة جسمك علية وبدأت تنفخ بس إوعى تكون بتدع عليه عشان الدعوة ممكن تتقلب عليك والله أعلم ....
    والآن مع الأسئلة ، عندك 15 سؤال كل سؤال في 3 أجوبة مفيش وسيلة مساعدة مفيش رأي الجمهور مفيش اتصال بصديق.........خش يا معلم ..............
    1- العنوان بيقول إنك ما تقرأش الموضوع ده فلماذا قرأته ؟
    ( حب فضول – حب أكول – حب فحول )
    2- تقول إيه للناس إلي ممكن تكون اختارت الخيار الأول ؟
    ( خير عملتم – يا بختكم – يا رتني كنت معاهم )
    3- ليه اختارت الخيار التاني ؟
    ( شجاعة – قناعة – بايع نفسك )
    4- إنته ليه متنرفز دلوقتي ؟
    (مش عارف – مش فاكر – مش عاوز )
    5- حاسس يإيه دلوقتي ؟
    ( ندمان – جوعان – عطشان )
    6- حاسس إن درجة حرارتك علية ؟
    ( آه – ياه – واه )
    7- مبسوط مني ؟
    ( جديد – أكيد – سعيد )
    8- حاسس إني ظلمتك في الأسئلة ؟
    ( لا – ليه – لي )
    9- إنت صابر على الأسئلة عشان تعرف السر إلي في آخر المقال ؟
    ( طبعا – جشعا – جمعا )
    10- إنته كنت ناسي قبل السؤال إلي فات إني كنت قايلك إن في سر في الآخر؟
    ( لأ – تؤ – عؤ )
    11- إذا عرفت إن مفيش سر في الآخر هتعمل إيه ؟
    (هقفل الصفحة – هقتلك واتعدم – بلعب كورة )
    12- متخفش في سر في الآخر تتوقع يكون إيه ؟
    (كلام – طعام – نيام )
    13- إنته ليه فضولي ؟
    ( عشان باكل شبسي – باشرب ميه – بحب العلم )
    14- قول الحقيقة إنته ليه مدايق ؟
    ( مش مدايق – عاوز أنام – أنا شبعان )
    15- في النهاية إنته كويس؟
    (عاوز ترمس – إذي الصحة – عند الطلبة )

    وبكده أكون خلصت وانته خلصت وعاوز أقولك على السر ،السر هو إن أول مره كتبت فيها المقال كان مكتوب على ورق أبحاث وكتبته بقلم أحمر وكل عام وانتم بخير والسنجة في الرنجة ورزاية في آخر الحلة ..
    والسلام عليكم
    خالد الشورى

      الوقت/التاريخ الآن هو الإثنين نوفمبر 20, 2017 5:29 pm