hestory.edu.net

اهلا
hestory.edu.net

hestory.ahlamontada.net

مرحبا بالأعضاء الجدد والقدامى
ادارة المنتدى تتمنى لكم قضاء وقت سعيد

المواضيع الأخيرة

المواضيع الأخيرة

التبادل الاعلاني

التبادل الاعلاني


    وقفه صادقه مع النفس فى شعبان

    شاطر
    avatar
    حياتى كلها لله_w
    مساعد المدير

    عدد المساهمات : 419
    نقاط : 699
    السٌّمعَة : 5
    تاريخ التسجيل : 25/11/2009
    العمر : 29
    الموقع : بلاد الله الواسعه

    وقفه صادقه مع النفس فى شعبان

    مُساهمة من طرف حياتى كلها لله_w في الثلاثاء يوليو 05, 2011 2:22 pm


    وقفة صادقة مع النفس في شعبان .

    { وقـــفة مع النفس في شعبان }

    قبل ما الأعمال تترفع لربنا ,

    الوقفة اللي عايزين نقفها يا جماعة

    - إن الصحيفة دي الصحيفة بتاعتكِ دي اللي طالعة لربنا دي

    لما تتحط جانب صحيفة سلْمَان و عمار و عمر .. لما تتحط جانب صحف الصحابة دي هتبقى إيه .. ؟


    هتـروح فــــيـــن.. !



    لما صحيفتك تتحط جانب صحيفة العلماء و الدعـآة و العبَّاد و القوّآمين وَ الصوّآمين


    هتبقى إيه .. هتــروح فين .. مش لـآزم تبدأ تفكر" هتروح فين " .. !


    لحد أمتى الصحف بتاعتنا هتبقى هزيلة يا جماعة .. .؟


    لحد أمتي هتفضل الصحف بتاعتنا عندها أنيميا في العمل الصالح يا جماعة .. ؟


    لحد أمتى هتفضل صحف الذنوب بتاعتنا كتير .. ؟


    وآ خجلآآآه وآخجلآآآه من رب العباد - سبحانه و تعالى –


    مش حاسه إنكِ مكسوفة .. مش حاسس إنك مكسوف ؟؟؟


    يا جماعة في ناس صُحُفها هتطلع دلوقتي فيها 365 يوم قيام و فيها يوم و يوم صيام

    و فيها دوآم ذكر و دوآم إستغفار و فيها دعوة إلى الله و فيها بضع و سبعين شعبة إيمان ..


    كام شعبة من شعب الإيمان و احنا في شهر شعبان اللي بتتشعب فيه الأعمال الصالحة بقى




    كل واحد عمله الصالح ودآه ف شُعْبَه و ف طريق ..


    عملك هيتشعب بيك لـأنهي طريق و هيوصلك لأنهي طريق .. ؟


    انطَلِقُوا إِلَىٰ ظِلٍّ ذِي ثَلَاثِ شُعَبٍ ﴿ المرسلات : ٣٠﴾


    تخيل دخان النار و هو بيتشعب لثلاث شعب .. يا ترى عملكِ هيدخلكِ في الشعب دي


    و لا ف شعب الإيمان اللي بتودي في الجنة .. و لا هنروح لغاية فين يا جماعة .. لغــآية فين ؟


    هنوصل لفين من الأعمال الصالحة .. أنتِ رآكبة أنهي مركبة .. ؟


    - مركبة الغفلة و لا مركبة الأعمال الصالحة اللي بتنطلق إلى الله – سبحانه و تعالى - ؟


    هتفضل لحد أمتى الصحف بتاعتنا هزييييييلة .. لغـآية أمتى , هتفضل الصحف بتاعتنا بالمنظر ده ؟؟


    عايزين نـقـف ( قبل رفع الأعمال إلى الله ) – سبحانه و تعالى –


    وَ أقولك إن في مليـــــار و أربع مائة مليون مسلم على وجه الكرة الأرضية .. يعني في خلآل أيام هيترفع لربنا


    - سبحانه و تعالى - مليار و أربع مائة مليون صحيفة , يعني صحيفتك مش هتترفع لوحدها


    يعني صحيفتكِ هتترفع و سط مليار و أربع مائة مليون صحيفة , يا ترى إنتِ فين وسط دول ؟


    يا ترى إنتِ فين عند ربنا وسط دول .. يا ترى صحيفتكِ وسط دول هتبقى إيه .. ؟


    - هتبقى من أحسنهم ولا هتبقى من أسوأهم ولا هتبقى من الحاجات العامة اللي ف النص ولا هتبقى إيه ؟


    أنت فــــــيــــن ؟


    أنت مش مختار لربنا ليه ؟


    يَبْتَغُونَ إِلَىٰ رَبِّهِمُ الْوَسِيلَةَ أَيُّهُمْ أَقْرَبُ ﴿ الإسراء : ٥٧ ﴾


    أيـــّـــــــهُمْ أقرّب .. !



    يا جماعة دا أحنا لآزم نموت نفسنا ,


    أنتو عارفين رفع الأعمال ؟


    - كل يوم يترفع لربنا أعمالك مرتين


    يرفع إليه عمل الليل قبل عمل النهار . وعمل النهار قبل عمل الليل


    كل 12 ساعة بيترفع عملك لربنا دا يومي عرض مرتين ,

    في عرض أسبوعي مرتين


    يوم الأتنين و الخميس عشان كده النبي عليه الصلآة و السلآم


    كان بيصوم أتنين و خميس من حكم صيام أتنين و خميس عليه الصلآة و السلآم


    في عرض سنوي لكل الأعمال بقى ..


    كل عرض من التلات العروض دي ليه أهداف عن التاني


    و بعده لو أنت أحسنت في فتوحات غير التاني و بتقيّم بناءً عليه


    ف عطاءات ربنا غير التاني , تخيلوا يا جماعة كل العرض على الله ده أهو


    أيّهُمْ أقرب يا جماعة عايزين مرة نشتغل ف مرة تطلع لربنا الصحف بتاعتكِ كده تلآقي بتاعتكِ وهو -- أعلم مِنْ قبل وَ مِنْ بَعدْ – مليانة بكاء و دعاء و توسل و رجاء و حب لله و صيام و قيام و ذكر . . .


    ربنا يطَّلع على صحيفتكِ يحبكِ يرضى عنكِ ينظر لكِ نظرة لايسخط بعدها ابداً , ينظر ليكِ نظرة تصلح بها دنيتكِ و آخرتكِ , يا جماعة رفع الأعمال .. يعني تخيل ده ,

    و الله العظيم لو رئيس الدولة اللي أنت عايش فيها هيترفع له تقرير عنك عن السنة اللي فاتت دي , أنت ممكن ما تنامش الأيام دي .. ليه ؟


    هيترفع له التقرير .. طيب لو التقرير وحش هروح فين و العقوبات شكلها إيه ولو التقرير حلو أنا هترقى إزآي و هيديني علآوآت إيه و ترقيات إيه .. و ألحق أصلح التقرير بتاعي إزآي و ألحق أصلح العجز في الموازنة و الميزانية في التقرير إزآي - و ألحق أطهر التقرير من أي مشكلة أو شكوى أخدتها طول التقرير أو جزآء أخدته إزآي . ؟ ؟ ؟


    - هيبقى دا تفكيرك ,


    طيب أنت دلوقتي ملك الكون هيتعرض عليه تقرير بالأعمال بتاعتك طول السنة


    - لو ربنا رضى و قبل يا ترى هيديك إيه .. يا ترى هيفتح عليك بقد إيه ؟

    لازم نجتهد و يفضل مسيطر علينا مسألة رفع الاعمال الى الله فى شعبان
    اعظم حدث فى السنة كلها ارجى عمل عملتيه لربنا ايه فى الاعمال ؟ هاه لو خطوة واحده قبلت اوعمل واحد قبل حياتك هاتتغير قد ايه يا ترى يا جماعه وسط المليار و400 مليون صحيفه هاتروح صحيفتك فين ؟
    يا ترى فى عمل فى صحيفتك هايرفع يرفعها ربنا فى عليين ؟ ولا لأ ؟
    يا ترى احنا محتاجين وقفه قد ايه مع النفس الوقتى فى شعبان عشان صحيفتنا هاتفضل هزيلة لغاية امتى
    يا ترى صحائفنا وسط صحائف الصحابة و السلف هاتروح فين يا جماعه ؟ ا
    لصحيفة اللى هاتترفع دي صحيفة من وسط 30 او 40 صحيفة هايتحدد عليهم مصيرك يا ترى الصحيفة دي يوم ما هتقابلها على الحوض ..!
    ( فَمَن يَعْمَلْ مِثْقَالَ ذَرَّةٍ خَيْرًا يَرَهُ ﴿الزلزلة: ٧﴾ ,
    ( وَمَن يَعْمَلْ مِثْقَالَ ذَرَّةٍ شَرًّا يَرَهُ ﴿الزلزلة: ٨﴾
    فيها كام مثقال ذرة خير ؟ وكام مثقال ذرة شر ؟

    يا ترى يا جماعه فى كام شعبة ايمان ناقصه نلحق نكملها ؟
    يا ترى يا اخواتى فى كام ذنب فيها نلحق نتوب منه ؟
    وطوبى لمن وجد فى صحيفته استغفاراً كثيراً . .
    يا ترى يا ترى يا ترى هانلحق نطهرها ولا لأ ؟
    هانحلق ان احنا نعيد جدوى جدوانا و نلحق نعيد الموازنة بتاعتنا ولا لأ ؟




    نقلا عن الدكتور حازم شومان


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــ

    ـــــــــــــــــــــــــــــــــــــــــــــــــــــــــــــــــــــــــــــــــــــــ
    كن لله كما يريديعطيك فوق ماتريد
    من ترك شىء لله عوضه الله بخير منه
    ربى معى ربى يرانى

      الوقت/التاريخ الآن هو الثلاثاء ديسمبر 11, 2018 4:37 pm