hestory.edu.net

اهلا

انضم إلى المنتدى ، فالأمر سريع وسهل

hestory.edu.net

اهلا

hestory.edu.net

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
hestory.edu.net

hestory.ahlamontada.net

مرحبا بالأعضاء الجدد والقدامى
ادارة المنتدى تتمنى لكم قضاء وقت سعيد

المواضيع الأخيرة

» ملكية الأراضي الزراعية بالجزائر في القرن التاسع عشر
رباعــ صلاح جاهين ــيات I_icon_minitimeالأربعاء يونيو 22, 2016 6:44 pm من طرف khaled

» القضاء الاداري يصدر حكما بإلغاء اتفاقية ترسيم الحدود بين مصر والسعودية
رباعــ صلاح جاهين ــيات I_icon_minitimeالثلاثاء يونيو 21, 2016 5:25 pm من طرف khaled

» جبتلكو سلسلة رويات رجل المستحيل المعروفة للتحميل المباشر
رباعــ صلاح جاهين ــيات I_icon_minitimeالإثنين ديسمبر 28, 2015 5:53 pm من طرف abazer

» العلاقات المصرية السودانية في عهد محمد علي وخلفاؤه
رباعــ صلاح جاهين ــيات I_icon_minitimeالجمعة يناير 17, 2014 10:28 am من طرف khaled

» انجولا وحظر الاسلام (1)
رباعــ صلاح جاهين ــيات I_icon_minitimeالخميس نوفمبر 28, 2013 12:21 pm من طرف Ibrahimovech

» التفسير الاقتصادي للتاريخ
رباعــ صلاح جاهين ــيات I_icon_minitimeالأربعاء يونيو 19, 2013 1:34 am من طرف khaled

» كرسي العناد ........ السلطة سابقا
رباعــ صلاح جاهين ــيات I_icon_minitimeالثلاثاء يناير 29, 2013 5:56 pm من طرف khaled

» جمهورية جزر القُمر الاسلامية الفيدرالية دراسة جغرافية
رباعــ صلاح جاهين ــيات I_icon_minitimeالأحد يناير 06, 2013 2:21 am من طرف khaled

» بعض الفروق السياسية بين المجلس العسكري الي حكم مصر بعد الثورة وبين الاخوان لما وصلوا للحكم
رباعــ صلاح جاهين ــيات I_icon_minitimeالأربعاء نوفمبر 28, 2012 6:14 pm من طرف khaled

المواضيع الأخيرة

» ملكية الأراضي الزراعية بالجزائر في القرن التاسع عشر
رباعــ صلاح جاهين ــيات I_icon_minitimeالأربعاء يونيو 22, 2016 6:44 pm من طرف khaled

» القضاء الاداري يصدر حكما بإلغاء اتفاقية ترسيم الحدود بين مصر والسعودية
رباعــ صلاح جاهين ــيات I_icon_minitimeالثلاثاء يونيو 21, 2016 5:25 pm من طرف khaled

» جبتلكو سلسلة رويات رجل المستحيل المعروفة للتحميل المباشر
رباعــ صلاح جاهين ــيات I_icon_minitimeالإثنين ديسمبر 28, 2015 5:53 pm من طرف abazer

» العلاقات المصرية السودانية في عهد محمد علي وخلفاؤه
رباعــ صلاح جاهين ــيات I_icon_minitimeالجمعة يناير 17, 2014 10:28 am من طرف khaled

» انجولا وحظر الاسلام (1)
رباعــ صلاح جاهين ــيات I_icon_minitimeالخميس نوفمبر 28, 2013 12:21 pm من طرف Ibrahimovech

» التفسير الاقتصادي للتاريخ
رباعــ صلاح جاهين ــيات I_icon_minitimeالأربعاء يونيو 19, 2013 1:34 am من طرف khaled

» كرسي العناد ........ السلطة سابقا
رباعــ صلاح جاهين ــيات I_icon_minitimeالثلاثاء يناير 29, 2013 5:56 pm من طرف khaled

» جمهورية جزر القُمر الاسلامية الفيدرالية دراسة جغرافية
رباعــ صلاح جاهين ــيات I_icon_minitimeالأحد يناير 06, 2013 2:21 am من طرف khaled

» بعض الفروق السياسية بين المجلس العسكري الي حكم مصر بعد الثورة وبين الاخوان لما وصلوا للحكم
رباعــ صلاح جاهين ــيات I_icon_minitimeالأربعاء نوفمبر 28, 2012 6:14 pm من طرف khaled

التبادل الاعلاني

التبادل الاعلاني


2 مشترك

    رباعــ صلاح جاهين ــيات

    صالح عيسى
    صالح عيسى


    عدد المساهمات : 6
    نقاط : 24
    السٌّمعَة : 0
    تاريخ التسجيل : 26/10/2009

    رباعــ صلاح جاهين ــيات Empty رباعــ صلاح جاهين ــيات

    مُساهمة من طرف صالح عيسى الأربعاء ديسمبر 16, 2009 9:09 am

    رباعــ صلاح جاهين ــيات 481917449

    النهاردة جايب لكم كلمات بسيطة
    كلنا بنتغنى بيها
    كلمات مبدع سخرية الكلمات انه
    رباعــ صلاح جاهين ــيات 597851555
    صلاح جاهيــن

    نبذة عن الشاعر

    أحد أعظم شعراء العامية في مصر
    صلاح جاهين فنان شامل فهو شاعر ورسام كاريكاتير من الدرجة الأولى
    ولد صلاح جاهين في 25 / 12 / 1930 م بحي بشبرا في شارع جميل باشا.
    دخل كلي الحقوق لارضاء والده رئيس محكمه استئناف المنصوره
    لكن عام 1947 التحق بكليه الفنون الجميله
    ولم يتخرج من اي من الكليتين وكان قد اختار طريقه في الحياة،
    حيث عمل بروزاليوسف وظل يرسم الكاركتير بشكل سري خوفا من والده
    حتي اصبح له صفحه كامله بالمجله فنx فن
    كان أبدع من كتب بالعامية المصرية الأصيلة مستخدما ألفاظ الشارع المصري البسيط
    لتصوير الأحداث الجارية في كلمات أغنياته
    وفى وجوهه الكاريكاتيرية المعبرة عن الواقع
    وقد أحب جاهين البسطاء وأسكنهم كلماته ورسومه فمنحوه كل الحب والاحترام
    وقد عشق الجمهور رباعياته بل أصبحوا يترنمون بها
    فهي مدرسة في فلسفة الحياة بل انها أصبحت أمثالا يرددها العامة
    وقد اعتبره النقاد امتدادا لبيرم التونسي سيد الزجل الشعبي والسياسي في مصر القرن العشرين.
    .عمل صلاح عام 62 في جريدة الاهرام، ورئيس تحرير مجلة صباح الخير.
    روح الفنان الجامحة بداخل جاهين لم تتوقف عند هذا الحد
    بل وشارك بالتمثيل في عدة أفلام كم ألّف عده اغاني وعدة افلام
    تزوج مرتين الأولى من السيدة سوسن التي أنجب منها بهاء وأمينة
    والثانية من الفنانة منى قطان التي اشتركت في تمثيل الأفلام التي انتجها
    وأنجب منها ابنته سامية
    و قد توفى العام 1986 عن خمسة و خمسين عاما.
    احلي ما كتب في رباعيته

    إنسان أيا إنسان ما أجهلك
    ما أتفهك في الكون و ما أضألك
    شمس وقمر و سدوم و ملايين نجوم
    و فاكرها يا موهوم مخلوقه لك
    عجبي !!

    دخل الشتا وقفل البيبان ع البيوت
    وجعل شعاع الشمس خيط عنكبوت
    وحاجات كتير بتموت في ليل الشتا
    لكن حاجات أكتر بترفض تموت
    عجبي !!

    حاسب من الاحزان و حاسب لها
    حاسب علي رقابيك من حبلها
    راح تنتهي و لابد راح تنتهي
    مش انتهت أحزان من قبلها؟
    عجبي !!!

    اليكم الرباعيات كاملة




    خرج ابن آدم من العدم قلت: ياه
    رجع ابن آدم للعدم قلت: ياه
    تراب بيحيا.. وحي بيصير تراب
    الأصل هو الموت والا الحياه ؟
    عجبي !!!

    ضريح رخام فيه السعيد اندفن
    وحفره فيها الشريد من غير كفن
    مريت عليهم .. قلت يا للعجب
    لاتنين ريحتهم لها نفس العفن
    عجبي !!!

    ياما صادفت صحاب وما صاحبتهمش
    و كاسات خمور و شراب وما شربتهمش
    أندم علي الفرص اللي انا سبتهم
    و الا علي الفرص اللي ما سبتهمش
    عجبي !!

    و الكون ده كيف موجود من غير حدود
    و فيه عقارب ليه وتعابين ودود
    عالم مجرب فات وقال سلامات
    ده ياما فيه سؤالات من غير ردود
    عجبي !!!

    أنا شاب لكن عمري ألف عام
    وحيد لكن بين ضلوعي زحام
    خايف ولكن خوفي مني أنا
    أخرس ولكن قلبي مليان كلام
    عجبي !!!!

    يا باب يا مقفول إمتي الدخول
    صبرت ياما واللي يصبر ينول
    دقيت سنين.. والرد يرجع لي: مين ؟
    لو كنت عارف مين أنا كنت أقول
    عجبي !!!



    أحب أعيش ولو في الغابات
    أصحي كما ولدتني أمي وابات
    طائر.. حيوان.. حشرة.. بشر ..بس أعيش
    محلا الحياة حتي في هيئة نبات
    عجبي !!

    سهير ليالي وياما لفيت وطفت
    وف ليله راجع في الضلام قمت شفت
    الخوف كأنه كلب سد الطريق
    و كنت عاوز أقتله.. بس خفت
    عجبي !!

    كان فيه زمان سحليه طول فرسخين
    كهفين عيونها وخشمها بربخين
    ماتت لكين الرعب لم عمره مات
    مع إنه فات بدل التاريخ تاريخين
    عجبي !!

    عجبتني كلمة من كلام الورق
    النور شرق من بين حروفها وبرق
    حبيت أشيلها ف قلبي.. قالت حرام
    ده أنا كل قلب دخلت فيه اتحرق
    عجبي !!!

    رقبه قزازة وقلبي فيها انحشر
    شربت كاس واتنين وخامس عشر
    صاحبت ناس م الخمرة ترجع وحوش
    و صاحبت ناس م الخمرة ترجع بشر
    عجبي !!!!

    ليه يا حبيبتي ما بيننا دايما سفر
    ده البعد ذنب كبير لا يغتفر
    ليه يا حبيبتي ما بيننا دايما بحور
    أعدي بحر ألاقي غيره اتحفر
    عجبي !!!

    ورا كل شباك ألف عين مفتوحين
    وانا وانتي ماشيين يا غرامي الحزين
    لو التصقنا نموت بضربة حجر
    ولو افترقنا نموت متحسرين
    عجبي !!!



    نوح راح لحاله و الطوفان استمر
    مركبنا تايهه لسه مش لاقيه بر
    آه م الطوفان وآهين يا بر الأمان
    إزاي تبان والدنيا غرقانه شر
    عجبي !!

    علي رجلي دم .. نظرت له ما احتملت
    علي إيدي دم.. سألت ليه ؟ لم وصلت
    علي كتفي دم.. و حتي علي رأسي دم
    أنا كلي دم .. قتلت ؟ ..... والا اتقتلت
    عجبي !!

    انا كل يوم أسمع ... فلان عذبوه
    أسرح في بغداد و الجزاير واتوه
    ما أعجبش م اللي يطيق بجسمه العذاب
    و اعجب من اللي يطيق يعذب أخوه
    عجبي !!!

    ينبوع و في الحواديت أنا سمعت عنه
    إنه عجيب .. وف وسط لهاليب لكنه
    شقيت كما الفرسان طريقي .. لقيت
    حتي الخنازير والكلاب شربوا منه
    عجبي !!!!

    يا قرص شمس ما لهش قبة سما
    يا ورد من غير أرض شب ونما
    يا أي معني جميل سمعنا عليه
    الخلق ليه عايشين حياه مؤلمة
    عجبي !!!

    شاف الطبيب جرحي وصف له الأمل
    وعطاني منه مقام يا دوب ما اندمل
    مجروح جديد يا طبيب وجرحي لهيب
    ودواك فرغ مني .... و إيه العمل
    عجبي !!!



    أعرف عيون هي الجمال والحسن
    واعرف عيون تاخد القلوب بالحضن
    وعيون مخيفة وقاسية وعيون كتير
    وباحس فيهم كلهم بالحزن
    عجبي !!

    إيش تطلبي يا نفس فوق كل ده
    حظك بيضحك وانتي متنكده
    ردت قالت لي النفس : قول للبشر
    ما يبصوليش بعيون حزينة كده
    عجبي !!

    إقلع غماك يا طور وارفض تلف
    إكسر تروس الساقية واشتم وتف
    قال: بس خطوة كمان وخطوة كمان
    يا اوصل نهاية السكة يا البير تجف
    عجبي !!!

    يا حزين يا قمقم تحت بحر الضياع
    حزين أنا زيك و إيه مستطاع
    الحزن ما بقالهوش جلال يا جدع
    الحزن زي البرد... زي الصداع
    عجبي !!!!

    في يوم صحيت شاعر براحة وصفا
    الهم زال والحزن راح واختفي
    خدني العجب وسألت روحي سؤال
    أنا مت ؟ ولا وصلت للفلسفة
    عجبي !!!

    الفيلسوف قاعد يفكر سيبوه
    لا تعملوه سلطان ولا تصلبوه
    ما تعرفوش إن الفلاسفه يا هوه
    اللي يقولوه بيرجعوا يكدبوه
    عجبي !!!



    علي بعد مليون ميل من أرضنا
    من الفراغ الكوني بصيت أنا
    لا شفت فرق بين جبال وبحور
    ولا شفت فرق ما بين عذاب أو هنا
    عجبي !!

    إنسان أيا إنسان ما أجهلك
    ما أتفهك في الكون وما أضألك
    شمس وقمر وسدوم وملايين نجوم
    و فاكرها يا موهوم مخلوقه لك
    عجبي !!

    نظرت فوق للنجوم وانا ساير
    رجليا عترت في الحفر والحجاير
    بقيت أقول وانا ع التراب: يا سلام
    مش بس عبره أخذت لكن عباير
    عجبي !!!

    يا نجم .. نورك ليه كده بيرتجف ؟
    هو انت قنديل زيت ؟ أو تختلف
    أنا نجم عالي .. بس عالي قوي
    وكل ما انظر تحت اخاف انحدف
    عجبي !!!!

    السم لو كان في الدوا منين يضر ؟
    و الموت لو عدونا منين يسر؟
    حط القلم في الحبر واكتب كمان
    العبد للشهوات .. منين هو حر؟
    عجبي !!!

    وقفت بين شطين علي قنطرة
    الكدب فين والصدق فين يا تري
    محتار ح اموت الحوت خرج لي وقالي
    هو الكلام يتقاس بالمسطرة
    عجبي !!!
    مع تحياتى
    صالح عيسى
    لتحميل الرباعيات كاملة
    اضغط هنا
    حياتى كلها لله_w
    حياتى كلها لله_w
    مساعد المدير


    عدد المساهمات : 419
    نقاط : 699
    السٌّمعَة : 5
    تاريخ التسجيل : 25/11/2009
    العمر : 34
    الموقع : بلاد الله الواسعه

    رباعــ صلاح جاهين ــيات Empty رد: رباعــ صلاح جاهين ــيات

    مُساهمة من طرف حياتى كلها لله_w الأحد ديسمبر 20, 2009 2:38 pm

    جزاك الله خيرارباعــ صلاح جاهين ــيات M5znk-6c9337c3a8

      الوقت/التاريخ الآن هو الخميس مارس 28, 2024 1:18 pm