دعوه ام مصريه لابنها

دعـوة أم مـصـريـة لأبـنـهـا وهـو رايـح الـشـغـل


ربنا يبعد عنك الأشرار .. ويجعل لك في كل خطوة دولار


ويبعد عنك أولاد ألأيه .. ولا يخيبك خيبة الجنيه


ويجعل أعمالك كلها حسنات .. ويكفيك شر شهادة المخالفات


ويحوش عنك كل الشرور .. ويكفيك شر كمين المرور


ويكون لك دايماً في العون .. ويكفيك شر فاتورة التيلفون


ويجعل لك كل الناس حبايب .. ويكفيك شر بتوع الضرايب


ولا يجعل عيالك محرومة . ولا يخيبك خيبة الحكومة


ويجعل أصحابك كلهم إخلاص .. ويكفيك شر سواقين الميكروباص


ويحميك يابني من إبليس .. ويكفيك شر سواقين الجيش والبوليس


وينور لك طريقك بالبركات .. ويكفيك شر الحفر والمطبات


بدعيلك وبدعي لكل أولادي .. يكفيكم شر الركود الاقتصادي


ويكثر في جيوبكو النقدية .. ويرحمكم من شر الدروس الخصوصية


ولا يحرمكم من أكل الفول .. ولا يخرب بيتكم بفواتير المحمول

اللهم اميين

هو ابنها ده شغال ايه

مش عارفه بصراحه بس هسأل فى الموضوع ده

اه بجد اسالى علشان اروحله وازور امه تدعيلى
الف شكر على المشاركة اللمتازة وعقبالك لما تبقى ام يا ترى هاتدعى لابنك وتقوليله ايه

بلاش تتعب نفسك وتروح يا يوسف انا هقلها تدعيلك
وان شاء الله لما ادعى لأبنى هدعيله انه يكون صالح وحافظ القران واهم حاجه الدعاء ده برضه
وشكرا على الرد