موضوع بجد يحير عاوز اراء الناس

[rand]السلام عليكم[/rand]
ازيكوا يا احباب
الموضوع بجد محيرنى هوا سؤال مش عارفله ايجابة اتفاجات بيه النهارد
بس يمكن ده فى كل مكان موجود بس انا اول مرة الاحظه النهاردة
عشان مطولش عاوزكو تشاركونى الايجابة عن السؤال ده
بمناسبة يا احباب الانتخابات الحالية اللى بنعشها والحرية اللى احنا بننعم بيها ومش عارف اخرتها ايه
هل من حق كل واحد يستخدم صور الروموز والشخصيات العامة كيفما يشاء ومتى شاء
استنوا استنوا مش هوده السؤال اللى محيرنى السؤال هوا
صورة الريس ام سندوتش الكبدة والسجق؟
اكيد هاتقولوا عليا اهبل فيه منكوا هايقول ايه هوا ده اللى هوا احمد زى سيدى احمد
بصوا احكيلكوا الحكاية بعد يا اخوان ولا بلاش اخوان دى لاحسن يحسبونا منهم
انا الحمد لله مش منهم انا مستقل
المهم بعد ماخلصت محاضراتى فى الكلية النهاردة وخاصة بعد المحاضرة الجميلة مع الدكتور زكى رفع الله قدره والمناقشة اللى حصلت بينى وبينه وده نادر لما بناقش ح فى المحاضرة انا افضل انى اكتب على انى اناقش صوتا
المهم بعد ماخلصت يا احبابى وجيت وانا مروح كنت جعان اوى
المهم وانا بعد ماوصلت بلدى مريت على بائع متجول بعربية كبدة وسجق المهم انا بمر بيه كل يوم المشكلة مش فى كدة المشكلة انى لقيته معلق صورة اريس على عربية الكبدة
فسئلت نفسى اروح اسئل الراجل ده عن سندوتش الكبدة اللى ريحته حلوة اوى وانا جعان واروح اشترى مع انى افضل الا اكل فى غير المنزل بس صدقونى ريحة الكبدة حلوة المهم فكرت اسئله على كدة ولا اسئله هوا ليه حاطط صورة الريس على عربية الكبدة اكيد فيه سبب انا اعرف ان الناس ممكن تحط على عربية الكبدة صورة سندوتشات ويوم ماتوسع يحط صورة فطير صورة اكل مش عنده كوكا كولا او بيبسى
بس صورة الريس لا وايه بالالوان وكبيرة
تفتكرو بقى هو حاطط صورة الريس ليه وهل تفتكرو اروح اسئله عامل كدة ليه ولا اجيب منه سندوتش كبدة واخلص
انا لسة مستنيكوا ومستنى ردودكوا
سلام بقى لاحسن انا جعت واروح اتعشى
كتبها/ يوسف سويدى
ملاحظة بسيطة كونوا شجعان وماتعلقوش بحاجة تضحك لاحسن انا مش قادر امسك نفسى من الدهشة والضحك

انته المغروض تسمي الموضوع ده يوميات يوسف الجوعان وبالهنا والشفا المرة القادمة اكتب وانته شبعان عشان الكلام الي انته كتبه دلع ومقهوش ملح

انا عرفت هو حاطت صوره الريس ليه علشان البلديه ماتجيش تشيله من الحته دي ولو جاتله البلديه مش هيشيلم العربيه ويحطوها في عربه البلديه لانه هتقع وهينداس عليه بالجزمه فعلشان كده حاطت الصوره

او ممكن حاجه تانيه انيكون زجاج العربيه مكسور فلقي ورقه من مجله فيه صوره الريس فلزقها علشان يداري الكسر اوعاوز يعطي قيمه للعربيه

فيه ناس كتير مدحوك عليها بجد وفاكره ان حسنى مبارك دا رمز من رموز العزه والفخر وانهم بيفتخرو بيه وبيحطو صورته بجد ناس كتير فكراه كويس

وراى الاخ محمود ممكن يكون منطقى هو متخيل انه بصوره الريس بيبقى وطنى وبيتقى شر الحكومه وبهدلتها وما ادراك ما بهدله الحكومه


وفيه رأى تانى حلو وى


الكبده دى بتيجى منين؟؟؟؟؟
سورى يعنى بتيجى من البقره والجاموسه صح

وهوبيبيع كبده يعنى حاجه من البقره او الجاموسه

فالصوره دى بتعبرعن!!!!!!يارب تكونو فهمتو
ومرحش امن الدوله انا متعلم عليا خلقه يعنى مش ناقصه




ملحووووووظه؟
انتى ليه يا يوسف بتقول انا الحمدلله مش مع الاخوان طبعا دى حريه انك تكون مستقل بس انت بتحمدربنا كأنهم حاجه مش كويسه يعنى

طبعا رايك يحترم
وشاكر ليكى ده
اما عن حتة انى مع الاخوان او لا فكتير منهم مش ماشين على المبادئ اللى حطها حسن البنا وانهم خرجو ساعات عن مبادئه
والجماعة الحالية فيها استرخاء كبير وشروخ كبيرة ومافرقتش كتير عن باقى الاحزاب اللى فيها فساد
لذالك انا بحمد ربنا انى مستقل
عشان اقدر اشوف الكل بميزان واحد وماكنش منحاز لفقة معينة
عشان اقدر اشوف مميزات كل فئة واقيمها

والشيخ حسن البنا يا استاذ يويا حط المبادئ دي منين

من الاسلام يا عم خالد
وده بردو مايمنعش انه اخطا هو كمان فى كتير من المبادئ اللى اخده من افكار غربية
المهم الراجل ده كان ليه دور كبير وانجازات برده انما بتوع دلواقتى هل ليهم انجازات وبعدين تعالى هنا انت عندك اشتراك على الفيس بوك ومش عاوز تدخل على جروب منتدانا ليه

عشان مشغول بالمسابقة

ااااااااااااااااااااااااااااااااااااااااااااه قولتلى

ايوه يايوسف بتوع دلوقتى ليهم انجازات وكلهم مش بالصوره الى انت متخيلها دى