hestory.edu.net

اهلا

انضم إلى المنتدى ، فالأمر سريع وسهل

hestory.edu.net

اهلا

hestory.edu.net

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
hestory.edu.net

hestory.ahlamontada.net

مرحبا بالأعضاء الجدد والقدامى
ادارة المنتدى تتمنى لكم قضاء وقت سعيد

المواضيع الأخيرة

» ملكية الأراضي الزراعية بالجزائر في القرن التاسع عشر
نظفو سنانكو عندنا فرح I_icon_minitimeالأربعاء يونيو 22, 2016 6:44 pm من طرف khaled

» القضاء الاداري يصدر حكما بإلغاء اتفاقية ترسيم الحدود بين مصر والسعودية
نظفو سنانكو عندنا فرح I_icon_minitimeالثلاثاء يونيو 21, 2016 5:25 pm من طرف khaled

» جبتلكو سلسلة رويات رجل المستحيل المعروفة للتحميل المباشر
نظفو سنانكو عندنا فرح I_icon_minitimeالإثنين ديسمبر 28, 2015 5:53 pm من طرف abazer

» العلاقات المصرية السودانية في عهد محمد علي وخلفاؤه
نظفو سنانكو عندنا فرح I_icon_minitimeالجمعة يناير 17, 2014 10:28 am من طرف khaled

» انجولا وحظر الاسلام (1)
نظفو سنانكو عندنا فرح I_icon_minitimeالخميس نوفمبر 28, 2013 12:21 pm من طرف Ibrahimovech

» التفسير الاقتصادي للتاريخ
نظفو سنانكو عندنا فرح I_icon_minitimeالأربعاء يونيو 19, 2013 1:34 am من طرف khaled

» كرسي العناد ........ السلطة سابقا
نظفو سنانكو عندنا فرح I_icon_minitimeالثلاثاء يناير 29, 2013 5:56 pm من طرف khaled

» جمهورية جزر القُمر الاسلامية الفيدرالية دراسة جغرافية
نظفو سنانكو عندنا فرح I_icon_minitimeالأحد يناير 06, 2013 2:21 am من طرف khaled

» بعض الفروق السياسية بين المجلس العسكري الي حكم مصر بعد الثورة وبين الاخوان لما وصلوا للحكم
نظفو سنانكو عندنا فرح I_icon_minitimeالأربعاء نوفمبر 28, 2012 6:14 pm من طرف khaled

المواضيع الأخيرة

» ملكية الأراضي الزراعية بالجزائر في القرن التاسع عشر
نظفو سنانكو عندنا فرح I_icon_minitimeالأربعاء يونيو 22, 2016 6:44 pm من طرف khaled

» القضاء الاداري يصدر حكما بإلغاء اتفاقية ترسيم الحدود بين مصر والسعودية
نظفو سنانكو عندنا فرح I_icon_minitimeالثلاثاء يونيو 21, 2016 5:25 pm من طرف khaled

» جبتلكو سلسلة رويات رجل المستحيل المعروفة للتحميل المباشر
نظفو سنانكو عندنا فرح I_icon_minitimeالإثنين ديسمبر 28, 2015 5:53 pm من طرف abazer

» العلاقات المصرية السودانية في عهد محمد علي وخلفاؤه
نظفو سنانكو عندنا فرح I_icon_minitimeالجمعة يناير 17, 2014 10:28 am من طرف khaled

» انجولا وحظر الاسلام (1)
نظفو سنانكو عندنا فرح I_icon_minitimeالخميس نوفمبر 28, 2013 12:21 pm من طرف Ibrahimovech

» التفسير الاقتصادي للتاريخ
نظفو سنانكو عندنا فرح I_icon_minitimeالأربعاء يونيو 19, 2013 1:34 am من طرف khaled

» كرسي العناد ........ السلطة سابقا
نظفو سنانكو عندنا فرح I_icon_minitimeالثلاثاء يناير 29, 2013 5:56 pm من طرف khaled

» جمهورية جزر القُمر الاسلامية الفيدرالية دراسة جغرافية
نظفو سنانكو عندنا فرح I_icon_minitimeالأحد يناير 06, 2013 2:21 am من طرف khaled

» بعض الفروق السياسية بين المجلس العسكري الي حكم مصر بعد الثورة وبين الاخوان لما وصلوا للحكم
نظفو سنانكو عندنا فرح I_icon_minitimeالأربعاء نوفمبر 28, 2012 6:14 pm من طرف khaled

التبادل الاعلاني

التبادل الاعلاني


    نظفو سنانكو عندنا فرح

    yusuf
    yusuf
    مساعد المدير


    عدد المساهمات : 436
    نقاط : 929
    السٌّمعَة : 1
    تاريخ التسجيل : 16/10/2009
    العمر : 35
    الموقع : copyman_yusuf@yahoo.com

    نظفو سنانكو عندنا فرح Empty نظفو سنانكو عندنا فرح

    مُساهمة من طرف yusuf الأربعاء مارس 03, 2010 2:39 am

    نظفو سنانكو عندنا فرح 3eh9-236x300 قبل الفرح باسبوع:
    يتصل العريس او العروسه بالمعازيم عشان يعزموهم على فرحهم
    ،تلاقى اللى يرد عالتليفون يفضل يقول مبروك خمستلاف
    مره تأكيد على السعاده الرهيبه اللى جتلهم بالخبر وكأن العريس
    ده جربوع وكحيان ولا مكنش فيه ولا واحده راضيه بيه وأخيرا
    حدقبل يبص لخلقته وكذلك العروسه وكأنها كانت بايره ولا داخله
    عالسنه التسعين من عمرها وأخيرا لاقولها عريس يرضى
    بيها،واللى يرد عالتليفون ده يجرى ينادى بابا وماما والأخوات
    والضيوف والشغاله وأى حد موجود على أرض البيت عشان يكلم
    العروسين فى التليفون ويحظى بشرف صوتهم العدمان الهلكان
    من كتر التعب واللف ليل نهار عشان يخلصوا حاجه البيت قبل الفرح
    واللى يكلمهم ويزغرط واللى يفضل يكلمهم ساعتين كاملين
    ومبيقولش غير كلمتين مبروك وربنا يتمم بخير وأخواتهم من
    الكلمات بتاعه المناسبات دى زى والله فرحتلك وده يوم الهنا وده
    أحلى خبر سمعته فحياتى وكلمات القرع المباشر دى،وبعد عشر
    ساعات مكالمه للعروسين تتقفل سماعه التليفون وتبدأ مواضيع
    تانيه بين أهل البيت اللى اتشرف بمكالمه تليفون العروسين
    ،يتجمع اهل البيت كلهم وكأنهم داخلين على حرب محتاجه لخطط
    حربيه محكمه وتلاقيهم مبيتجمعوش كده غير فى المصايب أصلا
    ويقعدوا على ترابيزه السفره (مائده المفاوضات)
    وكل حد منهم يقول بيفكر هيلبس ايه يوم الفرح ده
    واللى ناقصه جزمه واللى ناقصها شنطه واللى ناقصه
    شراب واللى ناقصها ايشارب لون الفستان ويدخل البيت فى حاله
    دربكه غريبه ،وتدخل حاله من الصراعات بين أهل البيت عشان
    مين اللى هياخد العربيه الاول وهياخد مين معاه فيها والساعه
    كام والباقيين يحتجوا عشان مواعيدهم مش مناسبه للميعاد ده
    ومشاكل تانيه كتير ،وبعد ميتوصلوا لاتفاقات مناسبه ينزلوا يجيبوا
    حاجه العيد(قصدى مشتروات لوازم الفرح) وكأنهم نازلين يشتروا
    حاجه العيد
    نيجى لليله الفرح الصبح:
    أهل المنزل السعيد نزلوا جابوا حاجتهم كلها ومن كذا يوم والستات
    والبنات عملوا الاتفاقات بتاعه كل واحد هيلبس ايه ويحط ماكياج
    ايه ويلبس مع اللبس أنهى شنطه وانهى جزمه ولكن….
    كل الرجاله من أهل المنزل السعيد مجابوش أى حاجه من اللى
    كانوا ناويين يجيبوها …قال ايه هننزل نجيبها بالليل ….هدوء اعصاب
    غريب،تلاقى الأم والأخت قاعده تلطم وتشد فشعرها :مش
    هتلاقى ياابنى الجزمه بسهوله وانت مبيعجبكش العجب
    مجبتهاش ليه من يوم منزلنا كلنا؟ولكن….
    لا حياه لمن تنادى ويرد بكل هدوء ……..
    هنزل أجيبها بالليل مع بابا وجدو وهم كمان
    هيجيبوا حاجتهم بالليل معايا
    ليله الفرح بالليل:
    كل أهل المنزل السعيد بالفعل جابوا كل مستلزمات الفرح شنطه
    وجزمه وشراب وكرافته وكله كله بقى فى التمام ،البنات والستات
    قاعدين هاريين نفسهم ماسكات وكريمات اللى ازاله حبوب
    واللى ازاله كلف واللى ازاله قشف وكأن الحاجات دى
    هتعمل النتائج المبهره فى يوم بعد سنين جلخ وعفاشه ،والرجاله
    برده أاااخر تنفيض وكل اللى بيعملوه بيتفرجوا على نشره الأخبار
    أو الفيلم العربى أو بيقروا الجرنال
    يوم الفرح الصبح :
    البنات والستات عند الكوافير بيعملوا شعرهم وباديكير ومانيكير
    وماسكات والرجاله بيحلقوا شعرهم عند الحلاق وأحيانا بيعملوا
    ماسكات
    يوم الفرح قبل الفرح بساعه:
    الكل بيجرى فى الشقه والأم تقول خلصينا بقى يا بنتى مش
    عايزين نتأخر على الناس بتعملى ايه كل ده؟والاب يقول لابنه يا
    ابنى انجز بقى بقالك ميت سنه قاعد تحط فى الهباب
    اللى فى شعرك ده وبرده شكله زباله من غيره شكلك
    كان أحلى ،يرد الابن اسمه جيل يا بابا
    ( بيجلجل شعره بتعطيش الجيم ) وبعدين ده…..
    مووضه وانا مقدرش أنزل من غير محطه ،يرد الأب طيب يا أبو
    موووضه انجز بقى خلينا نخلص
    فى الفرح :
    الكل متشيك على سنجه عشره، البارفانات الماركات اللى
    مبتطلعش الا فى المناسبات ريحتها مفحفحه والساعات الماركات
    اللى مبتطلعش الا فى المناسبات ملبوسه فى الادين وبتبرق
    والفساتين والبدل أاااخر شياكه …كل واحد بيتفنن ازاى يجذب
    الجنس الاخرالبنات بيبقى نفسها تكون أحلى من العروسه
    والشباب يعجبوا بيها والشباب بيبقوا ااااخر شياكه عشان يجذبوا
    البنات اللى فى الفرح وبيقولوا أهويمكن نلاقى عروسه فى الفرح
    ده ويبقى النصيب من الفرح ده ،وساعه متبدأ الاغانى
    تلاقى الشباب عملوا دايره حولين العروسين والبنات
    دخلوا فى وسط الدايره اللى عاملها الشباب
    وهاتك يارقص ..وساعه الرقصه البلدى تيجى
    العروسه تشد صاحبه ليها عشان ترقص بلدى
    فتفضل تقول لا بجد مبعرفش بتكسف لا مش هقدر
    وبعد الحاح توافق وتبدأ ترقص….ولا ساميه جمال
    فى شبابها …وقال ايه مبعرفش أرقص..أهو برده الرقص ميضرش
    عشان لو فى عريس أنا عذراها برده …وهكذا …
    الكل يبقى مقشف ومعفن قبل الفرح ويوم الفرح
    يبقى الشاب الجربوع ابو جينز ساقط وقال ايه بادى يبين عضلاته
    يبقى ولا كأنه رجل أعمال ببدله أنيقه والبنت المقشفه تبقى ملكه
    جمال الكون بفستان أنيق …وأهو كله عشان الفرحأضف الى مفضلتك

      الوقت/التاريخ الآن هو الخميس مارس 28, 2024 5:34 pm