اهلابك سيادة الرئيس وأنتى سيادة الرئيسة

فية سؤال هى مصر كلها مفيش فيها حد ينفع رئيس؟ هى مصر حكمها صعب ولا مفيش حدنافع ولا اية الحكاية وبما انكم شباب مصر وان كنتم فئة قليلة الموجودة اوالمشاركة فى هذا المنتدى بالنسبة للعينة الكبرى من الشباب فلو حضرتك أصبحت رئيس جمهورية فما هو مخططك ومااول شئ ستفعلة عند جلوسك على كرسى الحكم اغمض عينك أوفتحها وتخيل ارجو الرد من الشباب والفتيات



البرنامج الانتخابى لسيادة الرئيس.................
البرنامج الانتخابى لسيادة الرئيسة................ .

إن شاء الله أول ما أبقى رئيس هؤلكم على البرنامج بتاعي لكن دلوقتي مينفعش

مستغربة الرد

انا اول مابقى رئيس
اول حاجة هاعملها مش هاخلى الستات تتعين فى اى وظيفة مش ملائمة ليها يعنى وظائفهم هاتقتصر على طبيبة نسا او اطفال او اسنان فقط اما باقى التخصصات للرجالة او مدرسة لابتدائى ورياض اطفال واو ثانوى للبنات فقط وتكون مدارس الثانوى بتاعة البنات تخصصية فقط للوظائف اللى انا قولت عيها
تانى حاجة عشان احل مشكلة البطالة بشكل واسع وكبير سن المعاش الوظيفيى من 60 سنة صح ده دلواقتى لا انا هاخليه 50 سنة يطلع على المعاش وكفاية برطعة بقى ونخلى الشباب يتعين قبل مايجراله حاجة
فواحد من الشششششعب يقولى طب والمعاشات هاقوله هو مش خرج وعنده 50 سنة يعنى لسة فى عز شبابه وفى صحته نبدا بقى نهتم بالقطاع الخاص فانعمله مشروع فى مجال معين خاص بيه يصرف على نفسه وبكدة نعمل عملية تكافؤ بين الخبرة والقطاع الخاص وبين الشباب والقطاع العام وحماسة الشباب
اما التعليم فانا هاعمله بناء على مادرسناه هاخلى نظام قائم على نظام التعلم التعاونى وانتو عارفينه مش محتاج اشرح بالاضافة ان تكون المواد والكتب تبقى فى متناول الجميع عن طريق الانترنت
اما العنوسة فاصدر قانون بتزويج البنات اجباريا فى سن 18 سنة ومافيش حاجة اسمها عفش بالشئ الفلانى او الشبكة تكون بكام هما دبلتين وحبس عشان الكل يتجوز وبلاش فشخرة بقى ده لو الاباء عاوزين بناتهم يتجوزا ويحلوا عن سماهم بقى
ازمة رغيف العيش فامش لاز احنا ندى لكل مواطن نسبته من الدقيق وهوا يتصرف بمعرفته ونلغى الافران كلها وبكدة قضينا على طابور العيش
الغاز احنا ندخل الغاز الطبيعى للبيوت بالعدادات واوقف تصدير الغاز لاى دولى اى كانت عربية او اجنبية ماهو بالعقل عندنا ازمة غاز وانابيب الغاز وفى نفس الوقت بنصدر الغاز مدعم لاسرائيل عجيبة من عجائب الحزب الوطنى والحكومة
المواصلات بقى يا جماعة فدى لعبتى احنا ندى لكل واحد عجلة وهوا يصرف نفسه ونلغى العلابيات ونعمل ونوسع فى محطة الترامى
مش عارف لو فيه حاجة كمان ياريت تقولوهالى اما بقى لو قعدت على الكرسى صدقونى مش هاعرفكو

انا لو بقيت رئيسه بس طبعا دا افترض
علشان يوسف ميقعدش يقول المرأه ومش عارف ايه
بجد اول حاجه هعملها هطبق الاسلام فى كل حاجه
وافكر الناس اننا دوله اسلاميه
بجد لو مبادىء الاسلام اتطبقت كل مشاكلنا هتتحل
وهشيل طقم الداخليه كله لان هما اول بلاء فى البلد
ووطبعا التعليم لازم نظامه يتغير ونحبب الطلبه فى المدرسه ونشجعهم ونشجع المدرسين بما ان دى شغلتنا يعنى فى المستقبل دا لو اشتغلنا
وهستصلح الاراضى واشغل كوووووول الشباب ونستفيد فلوس مصر بدل ماتروح لشويه الحراميه وانعمل مشاريع اقتصاديه ضخمه للشباب علشان حالهم يتصلح ويجيبو شبكه
واى ولد مجلجل شعره ولا مسقط البنطلون مش هدخله الجامعه وهدفعه غرامه واى بنت برضه مش لابسه كويس
وحلو اوى اقتراح العجل بتاع يوسف ده
وهساعد الغلابه الى مش لقيين العيش ولا العلاج واصلح المستشفيات الحكوميه الى متصلحش لبنى ادمين
الواحد نفسه يعمل حاجات كتييييييييييييييرمش هينفه تتكتب كلها لان الحاجات الى عايزه تتصلح فى البلد محتاجه يومين على بال الواحد ما يخلصها

يومين بس
ده فى الحلم يومين على لما تكتب
بس تعرفى ان كل مشاكل مصر كلها مكتوبة ومتخزنة فى الارشيف من ايام جمال عبد الناصر والراجل ده حاول يحل فيها كتير
لكن لاسف برده الفساد اجتمع ووقف ضده
اما حبيبنا حبيب الشعب ريسنا الحالى
فقال انا اوجع دماغى ليهه سيب اللى يبعت شكاوى واللى يكتب فى الجرايد براحته اوى احنا مش فاضين نصلح
اجمع على اد مادر من فلوس واسافر على سويسرا واتبعه فى ذالك الارزلون من اعوانه واللى مابيعجبش سيادة الريس بينكشف لكن اللى بيعجبه بيبقى فوق القانون
زى ماهوا عاوز وبلاش ضحك على الدقون ويقولوا فيه ديموقراطية او عدل قضائى كله فى الحكومة عامل ودن من طين وودن من عجين