الكل يدخل يسأل يوسف

بسم الله الرحمن الرحيم

نفتتح الجلسه اجهز يايوسف وجاوب بصراحه

هقولك مقدمه الاول علشان تستعد

احم..........احم........احم


الكل منا يعيش حياته بطولها وعرضها

بكل ما تحمله لنا من الالم واهات وسعاده وافراح

وعلي قد مانحاول نظهر للجميع اننا بخير وسلام الا ان عيونا لم تسلم من الدموع


السؤال:ما هو الشئ الوحيد الذي جعلك تبكي بكاء حقيقي ولا تستطيع عنده حبس دموعك؟

سواء كان شئ حزين او مفرح

جاوب بقي يايوسف منتظرين اجابتك واسئله الاعضاء لك


تحياتي للجميع

فجر النور

ليه يا بنوته كميه الاسئله دى كدا هيخاف يدخل بالراحه فى الاول بعد كده ادخلوا فى الغامق

اه ما ده البداية بس
لسه الغامق بعدين

الله الله كلكو عليا ولا ايه وبعدينكل دى اسئلة
طب واحدة واحدة انا لسة برده شاب
بس تعرفو انتظرونى هجاوب عليها لما اخلص الشغل واروح البيت

آه جاوب علشان الأسئلة الجديدة قربت أخلصها
ههههههههههههههههههههههههههههههههههههه

السلام عليكم ورحمة الله
معاكم من امام الشاشة التسعتاشر بوصة وعلى الاضواء الكاشفة
يوسف سويدى
سقفولوه
وبناءا على طلب الجماهير الغفيرة اللى اصروا انى اكون تحت طائلة اسئلتهم واللى منها محرج الى حد ما بس من شجاعتى انى لازم اواجها بضربة حرة وبكل حرية
هههههههههه ايه الاكلام اللى بقولوا ده
المهم
انا سعيد جدا بجد انكوا افتكرتونى ووضعتونى على اول الخط وفى مرمة اسئلتكم
بس براحة عليا شوية انا لسة صغير وفى عز شبابى
وعلشان ماطولش انا هجاوب على اسئلة العضوة الاولى
فجر النور
احب اقولك ولله الحمد انا لكل ضيق فرجا ويارب ماياتى عليا باحزان ويديم عليا بالافراح
اما عن سبب الدموع اللى ممكن شئ محزن او مفرح
فانا احب اقولكوا حتة كدة من نقطة ضعفى وهيا انى دمعتى بجد بتبقى قريبة ولما بحزن حزنى ممكن ياثر عليا جسديا ونفسيا
الشئ المحزن اللى خلانى ابكى بدموع بجد هو ان الواحد لما يتظلم بجد من اعز قرايبهواللى بيعتبرهم كل مايملكه فى الدنيا اللى ابكانى بجد لما الواحد كان بيعتبر حد من بنى البشر وخاصة من القرايب هوا دهره وسنده فى الدنيا وعصايا ممكن يتكا عليها ويكتشف انه الدهر ده مخوخ بل مكسور واتكسر وانا مش دارى الا بعد فوات الاوان
اصعب شئ مر عليا لما لما حسيت انى اتظلمت فى حاجات كتير ومن كتر احساسى بالظلم ده بكيت بدموع تكاد تنزل عينى دم بس الحمد لله ان ربنا عوضنى بالدموع عن انى من الممكن امرض مرض شديد
المهم انك يافجر قلبتى عليا المواجع بجد ومواقف كنت عاوز انساها بس للاسف مش عارف
اما الشئ المفرح اللى ابكانى هوا حب الناس كلها ليا وبالذات الغريب لانى بجد فاقد الثقة فى القريب وربنا عوضنى عن القريب بالغريب والحمد لله كل الناس اللى يعرفونى او اللى يسمعوا عنى بس بيشهدولى وبيحبونى ويحترمونى وده اغلى شئ ربنا مدهولى فى الدنيا بعد نعمة التوحيد والاسلام لله
ده ايجابة سؤال فجر
اما ايجابة او ايجابات الاخت الشقية المدعوة بالبنت الشقية فلنا هنا وقفات من التفكير
1/ الحدث او الشخص الذى غير حياتى لما ياتيا بعد ولسة بجد الشخص او الشخصة اللى تقدر تنتشلنى من حياتى الروتينية المليئة بالعمل والكفاح الى الاستمتاع بالدنيا والترويح عن النفس لاسف لسة ماجتش .....مش عارف هاتيجى امتى
2/ انا واعوذ بالله من كلمة انا انسان على وصف الناس محترم لذاتى
3/ بالطبع لا ولكن قد ينظر بعض الناس اليا ومن اجتهادى وافتخارى بعملى وبانجازى بانى فيا شئ من الغرور وهذا لاسف فهم خاطئ ولكن يفهمه قليل من الذين لم يختلطوا بى وهذا سوء فهم
وبعدين ايه اللى خلاكى تسالى السال ده بالذات
4/ اكثر شخص فى المنتدى والله السؤال محرج واسف مش هاقدر اجاوب عليه بس اللى اقدر اقولهولك انه كل اللى فى المنتدى اقراباء واعزاء على قلبى وربنا يديم التواصل
5/ امية نفسى احققها انى اعيش مستور مع النسانة اللةى تحبنى زتخاف عليا من نسمة الهوى وامى طبعا تكون معايا لانها اعز شئ على قلبى يارب اعطيها الصحة اقولوا امين اه ونفسى اخليها تحج وانا معاها طبعا
6/ والله الامانى كتير والشباب اللى زينا فى الوقت ده كتير وعندهم احلام وامانى كتير بس لاسف الظروف مش مساعدة طبعا اللى نفسه احققه لحد دلواقت ولسة ماتحققش انى اسافر واشتغل شغلانة محترمة بوظيفة طيبة ومرتب محترم وزوجة كويسة وشقة كويسة وى وى وى احلام كتير لسة ماتحققتش وبعدين احنا لسة فى اول المشوار ابقى تعالى اسالينى بعد 03 سنة يدينى ويديكى طولة العمر
7/ امى وحب الناس ليا
8/ انى ماكنش طيب زيادة عن اللوزوم ومش مع كل الناس ليس بنى ادم متساوون فى الصفات والطباع اى يجب التاعمل بحكمة مع بنى البشر ومن حولى قريب او غريب
9/ لحد دلواقت الحمد لله بس لو التزمت يبقى كدة رضا اوى يارب اهدينى واهدى شباب المسلمين
10/ اكيد كل انسان لازم يخاف من بكرة لان الدنيا دى غير امنة بس اقولك مدام الانسان مش ضامن عمره ومش هايعرف هايموت امتى فا التفكير فى النهاردة ودلواقت احسن ولا داعى من الخوف من المجوهل لان بكرة زى النهاردة مافيش فايدة ههههههه
كدة كفاية اتهريت اسئلة بس لوحد تانى حب يسال ياريت اولا الاسئلة تكون قليلة وكمان ماتكونش فيه احراج
اروح انا الحق اتعشى لانى جاى من الشغل وميت من الجوع
سلام

1)ماذا ستكتب لنا لتعبر لنا عن حياتك التي عشتها حتي الان في كلمات قليله؟

2)لو خيروك بين حبيبك وبين اعز صديق لك فمن تختار؟

3) مستحيل انساك لمن تقولها


4) هل تعترف بالصداقه بين الرجل والمراه؟

السلامو عليكم ورحمة الله وبركاته حلقة واحد ( عاد لينتقم )
ملحوظة أحب أقولها قبل ما أسئل إنته قولت جمله ( إنك عرفت إن الدهر مخوخ ) ممكن تكون نيتك بتقصد بيها عمر الإنسان ذات نفسه ولكن أنا أعتقد إن الجملة دي خطأ لأن في حديث قدسي به المقولة التالية قال الله تعالى ( لا تسبوا الدهر فأنا الدهر )

وبعدين أنا نمش عاوزك تقلق أنا هأسألك سؤال وزي ما بيقولوا السجن للجدعان والأسئلة للشبان وأحب أزود عليها وللشبات كمان بس دورهم لسه عليه بدري لما نخلص عليك الأول قصدي لما نسألك الأول وبعدين نبقى نسألهم
السؤال الأول : كيف تقيم نفسك ؟

انا هسألك أسأله سهله علشان لو ربنا وقعنى مكانك
ايه هى الحكمه الى انت بتأمن بيها؟
قرار اتخذته بسرعه وندمت عليه؟
لو الزمان عاد بيك ما الشىء الذى ستفعله؟
اعتذار الرجل للمرأه ذل ام احترام للذات؟
لوطلب منك تولى منصب الوزير اى الوزارات ستختار واى القرارات ستتخذ؟
ما اجمل شىء فى الاسلام؟
حيوان تحس انه مظلوم؟
ما هو اانطباعك عن السياسه؟
هل حدث يوما ان انتصرت يوما على نفسك واحصيت عيوبك؟
متى يقسو قلبك؟

يلااااااااااااااا انطلق وجاوب كفايه كده اسئله سهله خالص بالتوفيق يا اخ يوسف

السلام عليك الأول يايوسف
انت الوقتى تمام
ماشى فى سؤال لك جاوب عليه
انت مش مغرور بس هل انت مادى وايه القيمة اللى المال بيمثله لك
ليه انت دايماً مستعجل فى كل حاجة
وفى الأخر سؤال بسيط #ايه الفرق بين الفلاح و الشجرة #
سلالالالالالالالالالالالالالالالالالالالالالالالالالالالام
ابقى أفتكرنا في الأفراح

السلام عليكم اعضاء المنتدى واصدقائى الاعزاء
اشكركم على الردود والمشاركة
ودلواقتى عرفت اد ايه انتو بتحبونى وفضوليين قوى من كترة الاسئلة لدرجة انى حسيت انى ضحية العيد سالخنى اسئلة ايه انتو ماصدقتوا اه فاضيين بقى
هههههههههههه
بس على العموم انا مبسوط من التواصل ده بين الاعضاء فى المنتدى
وانا مازلت اكرر اللى عنده سؤال عاوز يسالهولى يتفضل من غير احراج او كسوف
وعلى العموم اشكركم وبالاخص البنت الشقية العضوة الممتازة لانها عفت عنى اشكرك ياستى على الجمايل بس ماتاخديش على كدة بس احب اقولكوا انه اتقت شرى وعملت بمبدا كما تدين تدان والنهاردة ليك بكرة عليك وقطع المسا على الكباتين
وعلشان اختصر زى العادة هاجاوب وامرى الى الله على الاسئلة التانية
اولا اسئلة العضوة فجر النور
1/ ساكتب لكم عن حياتى التى عشتها بانها عبارة عن كتاب مغلق حتى الان لما اقرا منه الا العنوان ومازلت فى المقدمة الى الان ومش عارف هاكمله ولا لا ادعولى
2/ الايجابة الدبلوماسية طبعا هاتكون الصديق لانه نادرا ماتجد الصديق فى هذا الزمان اما الحبيب فقد تستطيع تكوين حب على حسب مشاعرك بس انتى عاوزة الصراحة وده من راييى يمكن انا ماقولتهوش قبل كدة بس عهاقوله دلواقتى بما انى مش عارف اعمل صداقة بجد ومش لاقى الصديق اللى بجد لحد دلواقت فانا افضل الحبيب لانى ممكن اخلى الحبيب صديق او يقوم بواجبات الصديق اذن الايجابة الحبيب
3/ اقولها الى حبيبتى التى لم تاتى او لزميل كان عليه ليا فلوس ومش عاوز يسدها هههههههههه
4/ والله مافيش حاجة اسمها صدقاة بين الرجل والمراة بس اللى اعرفه ان طبيعة الزمن ده تحتم على الاختلاط والمصالح المشتركة مما ينتج عنه صداقة او نقدر نقول نوع من الصداقة المنمقة
كدة اسئلتك ياست فجر خلصت
ندخل على اللى بعدك
ابو الشوق خالد
انت فين يابرنس ماتعرفناش الا لما تسئلنا خد عندك ياسيدى ايجابتى على سئالك
اقدر اقولك ان مافيش حد بيعرف يقيم نفسه صح والتقييم الصح لازم يبقى من المحيطين حوله او المحتكين بيه
اما انا اقدر اقولك انى اقدر او بلاش اقدر اقول انى بعتبر نجاحى وابداعى فى شغلى وحب الناس ليا هو التقييم المظبوط وبكدة اقدر اطمن على نفسى شوية لان الدنيا غدارة
كدة انا جاوبت عليك يا برنس
اللى بعده
حياتى
اسئلتك سهلة ماشى خدى عندك الايجابات بس ماتتوقعيش منى انك هاتنفدى من تحت اسئلتى الجامدة انا هاطلع ابداعتى عليكوا
اصبروا بس المهم علشان اخلص الايجابات
الامانة مفتاح الخير فى الدنيا والاخرة
انى دخلت كلية تربية
كنت صلحت حاجات كتير غلط فى حياتى الاجتماعية وشخصيتى وطباعى بس طبعا ده شئ صعب بل مستحيل
لو كان بناء على غلط وقع من الرجل يبقى اكيد احترام للذات انما لو كان غير كدة يبقى ضعف وذل او يمكن الست دى حاجة عالية او ملكة جمال ههههههههه اكيد ذل
هاخد وزارة التعليم والقرار هاعيد تنظيم التربية والتعليم واخليها التعليم الاول فالاول ثم التربيةهههه هاعكس بقى يمكن ده ينفع
قول لا اله الا الله محمد رسول الله والصلاة طبعا وكل الاسلام جميل فالحمد لله الذى اعزنى بالاسلام
مافيش حد مظلوم بالذات فى الحيوانات بس اقدر اقولك ساعات الحمار فى مصر بس بيتظلم هههههههه انما فى باقى دول العالم اكيد لا ويسلام على الحمار الامريكى له حقوق بتحميه انما الحمار المصرى زى باقى اللى عايش فى مصر كلهم مظلومين وفيهم ظالمين
لعبة زبالة ومخزية طبعا بس نعمل ايه هيا دى طبيعة السياسة
اكيد بس مش فاكر وسرعان ماترجع النفس تنتصر عليا تانى
عندما احس انه حد ممكن ياخد منى حاجة انا بحبها وتكون عزيزة عليا او حد ياخد مكانى اللى شقيت فيه وتميزت فيه او حتى محبوبة حبتنى وحبيتها مستقبلا طبعا واحس فى يوم انه هاتكون لحد تانى او حد ياخدها منى بحس بقسوة وشراسة قلبى لدرجة انى بخاف من نفسى فابمسك نفسى على اخر لحظة
كدة خلصنا اسئلة حياتى
نيجى على حبو
ازيك يامان
ايه حكاية الفلوس معاك بص يا سيدى انا عمرى ماكنت ولا هابقى مادى انا بحب البزخ المعقول والشغل طبعا والشقا والترويح عن نفسى بالشيبسى والبيبسى والحلويات وحاجات كتير اظن كدة انا مش مادى والشؤال ده كان لازم يتسال لناس تانية بتموت لاخر نفس على القرش
المال ماهو الا وسيلة للعبور وتحقيق الذات واحتياجتى فقط ولو احتياجتى كاملة ومش محتاج يبقى ماتفرقش معايا خالص
انا عمرى ماكنت مستعجل بالعكس انا عندى قوة تحمل وصبر تكفى بلاد وانا اتعودت على كدة بس فى بعض المواقف يمكن الواحد بيحكم بسرعة او بتحتاج تتعمل ويتخذ فيها قلرار بسرعة
ابقى اسال نفسك لو عرفت ابقى سلملى عليها
سلام يا حبو
اما الشكر الخاص والمبجل بكل احترام وتقدير للعضوة البنت الشقية وبلاش بكش وشقاوة فى الاسئلة لو عندك اسئلة اسئلى ولما انتى تنحيتى عن الاسئلة انتى بتعملى ده لنفسك لانك هاتبقى انتى تانى واحدة اكيد بعدى
لازم انتى تكونى تانى واحدة علشان محضرلك انتى اسئلة مخصوصة ومتوصى عليها من زمان
سلام يا جماعة

سلامو عليكم يا مان يبدو إنك بترجع من الشغل متأخر وتقول الناس نامت لما أجاوب أي حاجة وأظهر جزء من الإجابة وأحتفظ بالباقي ومفيش مانع لما أجاوب عن سؤالين كامليين وزي ما إتقالك إن ردك دبلوماسي شوي وأنا موافق على كده
أنا قولتلك كيف تقيم نفسك وكنت فاكر إن إجابتك هتبقى أوضح من كده ولكن أنا هسهلك السؤال شوية
1 - هل تقيم نفسك دائما ؟
2- متى تقيم نفسك ؟
3- بالنسبة لسؤال حبو ليه إجابة خش على المقاله بتاعتي القادمة بإذن الله على قسم المسابقات وانته تعرف ده ليك ولكل الأعضاء
- سؤال هل تحب نفسك ؟

امال سايبنى انا بس اتسال طب لما اروح اجاوب على باقى الاسئلة

1)هل عاكست بنت في يوم من الايام؟

2)هل عشت قصة حب ولو من طرف واحد؟

3)لو انت بنت ليوم واحد هتعمل اية ؟؟

4)ما هى مواصفات فتاة احلامك ؟؟

5)ما اكثر اسم بنت مفضل بالنسبه لديك؟

6)هل اتحرجت قبل كده؟

7)ما رايك في بنات اليومين دول؟

اسئله سهلة خالص يايوسف
ربنا معاك[b]

اكيد هاجاوب عليها النهردة ان شاء الله لما اروح من الشغل اه هيا سهلة بس محرجة ومع ذلك لازم اجاوب محنا فى كرسى الاعتراف

إيه يا عم يوسف إنته مردتش على الأسئلة كلها ليه هنجت ولا إيه

السلام عليكم ورحمة الله
اسف واعذرونى على التاخير
وبعدين هوا مافيش الاانا فى المنتدى ده ماتغيروا بقى علشان يبقى الموضوع يبقى ليه معنى ولو عاوزين تسالونى تانى بعد كدة يبقى بعدين لماتغيروا
التربية والتعليم
1/ بالطبع الاواحدى ودى صراحة عمرى ماكنت فاضى انى اعاكس وعمرى ماعكست بس لما ابقى مع اصحابى بنرخم بقى ونغلس على اللرايح واللى جاى وبعدين اظن ان غالبية او نسبة كبيرة من البنات بتسعد بالمعاكسة قال ايه المحترمة اللى فيها كلام حلو ههههههههه
2/ طبعا لا ماكنتش فاضى الصراحة وماكنش فى دماغى وبعدين لسة ماجاش وقته ولا نصيب هيا البنات فاضية ولا ايه ولا احنا فاضيين ورانا قضايا نحن الشباب اهم نلعب بلايستيشن نخرج بحريتنا ونشتغل ونكدح علشان نكون نفسنا ونتجوز ونلحق القطر بعد 5 سنين
3/ الصراحة كنت هادعى ربنا وبشدة انى ارجع ولد تانى علشان الولد حر بالرغم انه فى الزمن ده البنت بتاخد حقها اكتر من الراجل ومش مطحونين ولا عندهم اوبيجلهم الضغط والسكر بدرى
4/ مواصفات كتير جدا نفسى فيها تكون على خلق كريم ومن عيلة محترمة مش شرط الحالة الاجتماعية وجميلة وسوفيسة كدة واقصر منى بتنين سم كدة علشان ابقى اطول منها وابقى ازلها واقولها ياقصيرة ووزنها كدة بتاع من 60 الى 65 كفاية عليها كدة اه علشان ماتكلفنيش كتير وباقى المواصفات الجمالية وصوتها تكون رقيق وهادية وحنونة وبتحب الرومانسية وانا اهم عندها من اهلها اه وتكون كمان بتحب الضحك ومرحة وحبوبة كدة وماتكنش نكد زى باقى الستات ولا دماغها فاضية
اكيد كل المواصافات دى بيتمنها اى شاب لكن اقولك فى الاخر مش هيصيبنى الا نصيبى يعنى ممكن نسبة وجود الصفات دى فى زوجتى اللى هاتكون من نصيبى تتراوح من 20 الى 40 فى المية من الصفات اللى ذكرتها او يمكن اكتر او يمكن اقل لان صعب ان الواحد فى الدنيا يطلب اللى نفسه فيه وياخده كامل ومافيش فينا حد كامل
5/ والله الاسماء كلها جميلة بس اقولك ممكن اجمعهم كلهم فى اسم واحد هوا اسماء علشان اقولها سمسمة وساعات احب اسم ايمان علشان اقول ايمى وساعات بسمة علشان تملى حياتى ضحكة وبسمة او ممكن نسمة علشان حياتى تبقى نسمات ونسائم وممكن من الاسامى الجديدة نوران وده الاسم اللى ان شاء الله لما ربا يكتبلى الزواج والخلفة لو خلفت بنت هاسميها ان شاء الله نوران او شهرزاد
6/ طبعا لا الا من الاسئلة دى
7/ والله بحس ان اغلبهم تافهات ولئيمات ونكديات بس حلوات وشعرهن صفروات بصبغة ام الم البنات واللى يدور يلاقى بنات قمرات وسط السما مكنونات كانهن الياقوت والمرجان
سلام بقى كدة ونواصل بعد الاعضو الثانى واقترح انه لازم يبقى حادى بادى كرمب زبادى اه ممكن نخليها البنت الشقية بصفتها اللى بدات الحوار باختيارى ونخلى خالد بعدها بصفتنا نحن الرجال فى المنتدى
سلام يا اصدقاء

شكل يوسف زهق من اسئلتنا ياجماعه

فخلاص بقي نعفيه وندور علي عضو تاني نتسلي عليه

وهيبدا التصويت علي اختيار العضو الجديد او ضفنا الجديد للكرسي

الكل يدخل يقول عاوز مين يبقي الضيف الجديد


وبالغالبيه للاصوات سوف يتم اختيار الضيف الجديد

عاوزين العضوة فجر النور عشان أنتي مشرفة القسم ده

انتو كلكوا عليا ولا ايه

حرام عيكوا دنا غلبانه

انا من رائي ان اسال بس لكن متسالش

ههههههههههههه

لا طبعاااا
تتسألى عيب لما تبقى المشرفه ومتتسأليش
خلاص فجر الى هتتسأل موااااااااااااااااافقه بالاجماااااااااااااااااااع
يللا مين هيبدأ يسأل

فعلا من حفر حفرة لاخيه وقع فيها