كوسه يا بلدنا كوسه

السلام عليكم


اعضاء منتدانا الكرام اكيد موضوعى دا الى بعنوان ا لكوسه مش عن ازمه الخضار ولا الطماطم الى بقى سعرها نار جلو السجع دا ما علينا المهم يا شباب

الموضوع ده انا كتبته علشان نتكلم على الانتخاباااااااااااات وما ادراك ما الانتخابات

اكيد كلنا تابعنا الى حصل وشفنا ويارتنا ماشفنا الى جرا يوم الاحد الى فات واكيد طبعا متوقعين الى هيجرا يوم الاحد اللا جى ان شاء الله

انا عايزه اعرف راى كل واحد فيكم بصراحه فى الانتخابات او بمعنى اصح فى تظبيط الانتخابات

وياترى انتخبتم مين ومين نجح عندكم وايه اغرب حاجه شفتها وحصلت فى الانتخابات وقولو بصراحه على ضمانتى

انطلقواااااااااااااا

يلا مسنيه اشوف الاراء

انا هكتب اول رد على نفسى

انا قلت طبعا لازم ابقى بت وطنيه وايجابيه واروح طبعا اشارك فى المأساه قصدى الانتخابات انا كان قلبى حاسس انها هيكون فيها لعب بس متخيلتش انها كلها هتبقى لعب كدا

ورحت مع انى مرحتش انتخابات الشورى مجلس الشورى مش اسمك يا خالد يعنى لانى عرفت من بالليل ان التوكيلات متوزعتش وكدا

المهم قلت اكيد فى الشعب هيكونوا خافو من الى حصل والفضايح الى ظهرت وهيوزعو التوكيلات والموضوع هيبقى تمام

جينا بالليل والتوكيلات فعلا اتوزعت قلت خير بدايه مبشره لكن يافرحه ماتمت خدها الحزب الوطنى وطااااااااار

فى الصباح البااااكر عرفنا ان الوكلاء بتاع المعارضه منعو من الدخول وخاصه خاصه وكلاء الاخوان

ملاحضه:الكلام ده حاصل قدامى وفى دايرتنا الى هيا المنزله يعنى وحصل فعلا مش سمعاه فى التلفزيون

المهم علشان شكلكو بتقولو لخصى

الوكلاء اتمنعو المه فيه واحد من الوكلاء مش تيع الحزب الوطنى وكيل عن مرشح الاخوان مرضوش يدخلوه طبعا راح عمل ايه قولو عمل ايه خلاص هقول انا

جاب توكيل من بتاع الحزب الوطنى علشان يعرف يدخل فى اللجنه


والمفاجأه

انه فعلا دخل وقعد وبيقول جه الساعه 9 الصبح لقى اوراق متعلمه لحزب الوطنى فى ورقه المرشحين العاديين وورقه الكوته الى هيا زرقه متعلمه للحزب والى فى اللجنه بيقولو يلا يا باشا تعالى طبق وحط فى الصناديق

راح اتلجلج كدا واقلهم لا قالو نعم يا .........الرقابه حذفتها


نعم انت مش مع فلان (فلان ده مرشح الوطنى عندنا لمره التانيه على التوازى والمرشح بتاع الوطنى فئات دخل للمره التالته على التوازر برضم ما علينا)

المهم قالولو واخدين بالكم من قالولوه انت مش تبعه وبيعملك الى انت عايزه وبيديك فلوس
قلهم بس كدا حرام

قالول نعم يااا............اطلع بره وطلعوه بره

والظابط قال للصيع الى معاه الواد يجيلى بعد اللجنه

بس للامانه وعلشان منظلمش حد انا رحت وكل عيلتنا راحت محدش قلنا حاجه وانتخبنا وجينا هماا كانو عارفين مين هينجح قالو نسيب الناس تحس بوطنيتها وتنتخب

وللاسف مش هقدر احكيلك قصه يوم الاحد الجى لان معندناش اعاده ونجح الحزب الوطنى طبعاا عمال وفئات ومقعد مرأه وانا لله وانا اليه راججعون والبقاء لله فى كلمه نزاهه وفى انتخابااااااااات مصر

بجد انا زعلت جد ااااااااااااااااااااااااااا من الى حصل فى مصر وبقيت اكره اسمع اى حوار من بتوع الوطنى وربنا يستر على بلدنا قولو امييييييييييييييييييييييين

آآآآآآآآآآآآآآآآمين
يا حبيبتي أنا قولتلك متروحيش
أنا مرحتش لأن عارفه اللي فيها
وكمان ما فيش حد من المرشحين يستاهل
إن أديله صوتي لأن الصوت ده أمانة وكمان
سواء اديتي صوتك أو لأ هو الحزب الوطني اللي
هيكسب بس الفرق إن إحنا لو قعدنا في بيوتنا
هنصون كرمتنا ومش هنروح نسمع كلام مالوش لازمة
والحمد لله اللي ما فيش إعادة عندنا وربنا يستر علينا وع بلدنا

لا طبعااااااااااااا عدم مروحنا ده سلبيه لان الصوت الى مبيرحش بيتزور للوطنى لو كلنا رحنا محدش هيقدر يزور انا بسمى عدم المرواح ده سلبيه انا المفروض اروح واعمل الى عليا والى يحصل يحصل

وبالنسبه لان مفيش مرشح كويس لان طبعا فيه وكويسين جدا وكمان احنا فى بلدنا نظام القرى والفلاحين والناس بتبقى عرفه بعضها او على الاقل تعرف معلومات بسيطه عن بعض\

ولو مش عار حد شوف كل واحد بيقول ايه وحاول تختتار صح واحكم بالظاهر والله يتولى السرائر
انا هروح وهفضل اروح مهما زوره علشان ابقى عملت الى عليا ده وجهه نظرى عايزه اعرف باقى الاعضاء

وخصوصا الشباب فينك يا خالد ومحمد وباقى الاعضاء

انا بالنسبة ليه أنا روحت والحمد لله وأبدء معاكم من انتخابات مجلس الشورى ( الي مش بتاع عيلتنا )، أنا قولت أروح وانتخب لكن رجال الشرطة كان لهم رأي تاني وهو إنهم لازم يدوخوني السبع دوخات عشان انتخب الي أنا عاوزنه قالولي مينفعش تنتخب بالبطاقة لازم بطاقة انتخابية روحت القسم وطلعتها قالولي لازم تختمها رجعت القسم عشان أختمها دخلت المدرسة أدور على اسمي لاقيتوه مش موجود واللجنة الي فيها اسمي في المدرسة الي عندنا كانت قفله قولت أنا وراكوا والصبر جميل قالوا روح المدرسة التانية فياها اسمك روحت على البوابة سين وجين رايح فين فين البطاقة الانتخابية المهم والحمد لله انتخبت بعد عناء طويل
أما في انتخابات مجلس الشعب جهزت ورقي كله وقلت أعمل حسابي مهو الي اتلسع من سوسن ينفخن في .......
المهم روحت انتخب لقيت الأمن المرةن ديةن رايق ومزاجهن فل لا في سين ولاجيم ولاأي حاجةن ولاقيت العمللية سهلة وبسيطة ومفيهاش أي تعقيد ،(، مع تحيات حسن سبانخ )،
وطلعت المفاجئة بفوز المرشحين التابعين للحزب الوطني إلي من اسمه كده الوطني يعني الي مش وطني يبقى أيه يا (اخوانا )
وبصراحة أنا لم أتفاجأبفوز مرشحي الحزب في دايرة المنصورة عندنا لأسباب ان شاء الله هذكرها في مقال هكتبه كمان يومين
وكلن عامن ونزيهة وحريه وانا وانتم والناس الحلوين ب خ ي ر

لا بصراحه عندنا كانو جدعان وخلونى انتخب بالبطاقه بس سا جماعه احنا فى مصر بلد البساطه والسهوله الناس مش معقدين مش معاك بطاقه انتخابيه عادى اد
خل وانتخب صوتك يهمنا اصلهم عارفين اخرتها ايه
وده يدل ان انت اكيد اكيد اكييييييييييييييييييييد فى مصررررررررررررررررررر