ادخل بسرعه

السلام عليكم ورحمة الله وبركاته
بقولكم ايه يا اعضاء المنتدى متهيالى كلكم من كلية التربيه او اغلبكم , فكان فى حاجه كده عوزه اقولها للميعرفش زيى لانى مكنتش اعرف , هتقولى اعرف ايه ؟ استنوا انتوا مستعجلين ليه هقول اهو هههههه . فى يا جماعه مشتشفى الاورام فى المنصورة داخل الحرم الجامعى بجوار مبنى الحروق خلف السنتر . ودول محتجين زيارات ودم بجد اهم حاجه الدم من بستطيع فعليه ان يتبرع فى البنك فى المستشفى وان شاء الله الخدمه تعجبكوا .الاطفال محتاجه جدااااااااا صدقونى محتاجين بسمه ونظره منك ايو انت ودم لو حتى كل واحد يتبرع لمره واحده فى السنه اكيد هنرتاح اوى لما نحس اننا مهمين وفى ناس محتجنلنا اوى بجد وربنا يسهل ويسرلنا الامر اننا نروحلهم .
انا كنت بفكر نعمل زياره هى بتاخد وقت وتصريح وكده بس الدم اسهل وافضل ولو ينفه نعمل لهم زياره وكده اكيد هيكون كويس. الى يقدر على حاجه يحاول يعملها

انتى تعرفي مجموعة عمل ( شباب الخير بالمنصورة )

لا معرفهمش .
انا كنت زرتهم مع جماعة اتحاد كلية تمريض كان اول مره اعرف ان فى مشتشفى للاورام فى المنصوره وخصوصا ادلم الكليه, وللاطفال بس فى الدور العاشر ... فى اسنسير متقلقش ياريت لو تروح وتعرف الى تعرفهم عشان هما محتجين الدم باستمرار . والرجل يمكنه التبرع كل 3 او 4 شهور والبنت كل 6 شهور , يعنى لو مره وحده فى السنه بس كفايا. يعنى احنا لازم نعرف الى ميعرفش والى متبرعش قبل كده اصل مينفعش نتبرع دايما كل شهر او شهرين .

أنا عاوز أقولك إن جماعة شباب الخير بالمنصورة لهم زيارات اجتماعية دائمة ومستمرة في عدة أماكن مثل مركز الاورام ودار المسنين الموجودة أمام مسجد العيسوي ودار العز للمكفوفين وهم جميعا طلبة وطالبات جامعات ومدارس ثاتوي ومعاهم ناس مخلصين دراسة وممكن توصلي ليهم بسهولة جدا

ياريت . طب ممكن توضحلى معلومات عنهم وان شاء الله احاول انضم معاهم

هم لهم منتدى باسم منتدى شباب الخير بالمنصورة

مقر جمعيه شباب الخير اول شارع الترعه جمب مطعم كاتشب فوق صيدليه رضا من الساعه واحده ظهرا حتى الساعه 6 الرقم الخيري 0100741701 Ahla Sohba: عنوانا اي مكان فيه تخفيف للألام أسلوبنا الأتقان والنظام علاقتنا الحب والحنان حلمنا نعيش بلا أحزان هدفنا رضا الرحمن ...(شبـــــــاب الخــــــــير) Ahla Sohba: الحياة مرآة أعمالك وصدى أقوالك إذا أردت أن يحبك أحد فأحب غيرك .. وإذا أردت أن يوقرك أحد فوقر غيرك .. إذا أردت أن يرحمك أحد فارحم غيرك .. وإذا أردت أن يسترك أحد فاستر غيرك .. إذا أردت الناس أن يساعدوك فساعد غيرك .. وإذا أردت الناس أن يستمعوا إليك ليفهموك فاستمع إليهم لتفهمهم أولاً لا تتوقع من الناس أن يصبروا عليك إلا إذا صبرت عليهم ابتداء Ahla Sohba:

شكرا انا شفت الصفحه

كان نفسي اشارك بس للاسف خلصت دراسه ومش بنزل الجامعه الا نادرا بس باذن الله اشارك العام الجاي