عشان انت مصرى

بارك الله فيكي

وفيكى يا فجر

المشكلة إن محدش بيقول نحل منشكلاتنا إزاي وده لازم إحنا نحاول نسبق بيه في منتدانا

فعلا لازم المشاكل دى تتحل
دايما بنعرض المشاكل بس مش بنعرض الحل
الحل فى كل واحد فينا كل واحد لازم يبدأ التعيير من نفسه ويحس انه مسئول عن البلد دى

قصيدة جميلة جدا
وعشان انا مصرى لازم اكتئب
من زهق الدكاترة وده كل يوم
علشان انا مصرى بفكر كل يوم
وادعى واقول ياربى
ماطلعش من الهدوم
علشان انا مصرى
بتفرج عالتليفزيون
وقول ياربى
خد الحكومة دى تايهة ومجنونة
وبتغلط كل يوم
علشان انا مصرى بزعق كل يوم
الراجل ده مجنون
الراجل ده بيقول عنكم انامش مسئول
عشانكم يا مصريين
قاعد على طول
ولو فيه يوم هاموت
هايجيلكم المجنون
ابنى العسول
يقود المسيرة
وانتم فى حيرة
امتى هايكون تغيير
هاتفضلوا على طول
هاطئوا مالهدوم
تعب وحيرة وعيشة مريرة
بس عشان انت مصرى هاحبك على طول
وافضل فوق قلوبكم
مبرطع كل يوم
واسرق وانهب
واتعالج من المرارة وغيرى منكم يموت
ده انا مش مسئول
اطفالكم تموت
مالتعب كل يوم
مش عاوز اعلمكم
او حتى اعالجكم
وكل يوم بقول
عشان انت مصرى روح انتحر
او سافر ايطاليا
على مركب واتغرق
دى المية ميية ميية
والعيشة هنية
والجنة مستنية
ولو وصلت
لشط اطاليا
اتعب واشتغل
فى مزارع العنب
دى الساعة بخمسة
جنيه
وتعالى هنا
عين فلوسك عندنا
عشان انت مصرى
اتعب كل يوم
عانى من المواصلة
او اوركبلك سيرفيس
دى مصر هيا هيا
مش هاتتغير
طول مانا موجود
بيقولو ديموقراطية
بس فى بلدنا
رزية
ولو فيه يوم هاتنده باسم الحرية
يبقى انا مش مسئول
انت جبته لنفسك
وعقوبتك مستنية
عاسجن على طول
هاتعيش هناك مبسوط
بقفا هايمسوك
ده اقل حاجة عندى
لانك انت مصرى
وتقولى عاوز حرية
يابنى ديكتاتورية
غيرها ماتكون
دى مصر
على طول
يحكمها ظالم وجسور
او ظابط بنجوم
سلام كدة لاحسن
يخدونى
من غير هدوم
اما الحق واقوم
اكل طبق الفول
ماهوا اللى فاضل
ياكل مصريين
بس انا عاوز الصين
تحتل
اسرائيل
ومنها على طول
مصر هاتقوم
ماهى اسرائيل
بتحب المصريين
بتقتل وتهرب كوكايين
عشان شباب مسطول
طلع مالهدوم
عشانكم
يا مصريين
انا منكم هاطير
واطلع النجوم
وشعرى شعر عظيم
بس مش موزون
اخوكم/يوسف سويدى

قصيدة جميلة جدااااا يايوسف

بس لازم بقي نضم للقصدتين دول قصيدة زينب اللي القتها في الحفله


علشان شكل القسم كله رايح في
ابو زعبل

ده إنته إلي كتبته ولا نقله
رد بصراحة ومن غير تفكير
شكلك كده معارض كبير
يالا أنا وانته والأعضاء نبقى في وضع خطير
على رأي فجر النور
وكفاية كده لحد ماأرجع
لحسن ما أرجع
يا لا سلام وكفايه كلام

اه عاوزنى اقول بصراحة علشان تبعد نفسك عن الشبهات
لا يا حبيبى انت صاحبى وواجب الصديق على الصديق انه يكون معاه فى كل الازمات عشان كدة هاتكون معايا ههههههههههههههه
اشكرك يا خالد انت وفجر على الرد بس ده مش شعر ده زجل شوية اصلى اندمجت مع القصيدة اللى فوق وحبيت اقول راييى فيها بس عبارة عن شعر او مايشبه الشعر
على العموم الف شكر ياجماعة ولو كان ده شعر او موهبة فاياريت تقولولى علشان احاول انى اظبط نفسى وامكن نفسى انى اكتب فى الشعر مين عارف مش يمكن ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!

جميله اوى يا يوسف
بجد الواحد اتخنق من كتر المشاكل فى البلد دى كل يوم مصايب وبلاوى ومفيش اى خبر حلو بجد انا جالى اكتئاب من المشاكل الى بشوفها
البلد دى بجد انا زعلانه عليها اوى نفسى حالنا يتغير
لا والله يغيظك يطلع بتوع الحزب الوطنى وكام واحد من الحكومه
يقلك البلد بخير والشعب فرحان
كاننا عايشين فى بلد تانيه
على رأى عادل امام مع انى مش بحبه
رغيف العيش كبير والمواصلات فاااااضيه

بجد
بجد
عمار يا مصر