انسان مصرى(صناديق المهملات)

صناديق المهملات
ليه تاعبين بقي نفسكوا كده و خليتوها أنتخابات ؟
ما توفروا فلوس بلدنا و تقلوها صريحة دا الحق فات .
يابلدي أمتي ها يجي يوم ونقول فيه إصلاحات ؟
و افخر بنفسي و اقول انا مصري و معي سجل انجازات
واسافر هناو هناك و الناس تحترمني و تعملي مقامات
بدل ما انا محطوط تحت الجزم و الناس تقلع علي الشرابات .
ولا مش ها يجي اليوم الا لما نقول الراجل العجوز مات ؟
سعتها إبدأو فكروا و نبدأ نقول في هل في اقتراحات ؟
ترجع لبلدنا فلوسها الي سلبوها و خبو وراها أهرامات ..
وشحططونا في بلاد العلم نقولهم ادونا حبة صدقات ..
عملت فيها (أرن ) وقات اشتغل في بلاد الاجنابيات ..
قلت اروح بلاد اوربا , عشان الاقي حبة يورهات ..
وقلت أهو احسن من قعدتي و اليور الواحد بعشرات .
ركب السفينة و وهربت و عديت علي حبة بحيرات
و الموج جابني ووداني وذقت في السفرية اهات
وصلت أو ربا , و قلت بس دي فرصتي لفرد العضلات ..
و قلتلهم اسمعوا , أنا المصري ابو و ام الانجازات
و في القناة الاولي قلولنا , المصري علية حبة مميزات
قالولي ( ماي دير ) شد حيلك روح و بيع المجلات ....
قلتلهم انا مش بتاع كدة , دا اانا راجل عندي حبة شهادات
قالو لو كان الامر كده , حطهم مكان تقديم الطلبات
في الروم الثانية , ها تلاقي صندوق و علية حبة اشارات
قلت بس دي فرصتي عشان أوريهم أوراق الخبرات
ما هم غلابة ما يعرفوش أحفاد الي بنوا الاهرامات
روحت لقيت صندوقهم مكتوب عليه سلة مهملات
ساعتها عرفت اني غلت لما ماندتش بالاصلاحات
وعرفت ليه حطوا ورقي في صناديق المهملات
لما كنت في بلدي وطنشت صناديق الانتخابات
وسيبتنهم يزورها ويحطوا فيها حبة خرافات
يا ولاد بلدي شدوا حيلكوا وكفايا علينا سكات
طوب الارض بيتقدم و اهنا لسه منهضاش م السبات
يلا بينا يلا بينا يلا ببينا نقف قدام الي زوروا الارادات

جمييييييييييييييله جدا