العبقري بس هو اللي يدخلي

السلام عليكم ورحمة الله وبركاته اخوانى فى المنتدى والاعضاء الجدد
واجمل برقية ترحيب بالعضوة الجديدة عاشقة الاحزان
اسف على التاخير فى كتابة مقالاتى
المهم علشان ادخل فى الموضوع على طول واكتب ايجاباتى قبل ماحد يسبقنى كنوع من السبق
والتحدى وكمان قبل ماانسى الايجابات اللى وردت فى دماغى العبقرية ههههههههه
اصل من كتر ماعبقريتى ماكترت وتكاثرت وانتشرت فى الجو وعدت ناس كتير حواليا ارجو من الجميع وضع الاقنعة الواقية علشان هاعطس وانطر عبقرية فذة واخاف لا تدعدوا وتبقو عباقرة زييى ههههههههههه
والله ده شئ يضحك !!!هو فيه مصر فى الزمن ده عباقرة ولو فيه اكيد اتحطوا ياعينى فى مستشفى المجانين لان المجتمع والحكومة بالذات مش قادرة تتفاهم معاهم وتديهم فرصهم
المهم الموضوع جميل واشكر العضوة عاشقة الاحزان
على الموضوع مع انى من الموضوع ارجو تغير اسمك من عاشقة الاحزان الى عاشقة النكتة الذكية ههههههههه ايه الكلام الكبير اللى بقولوا ده مش فاهم حاجة من اللى بقولها طبعا هوا فيه نكتة ذكية وعقلانية ههههههه مش بقولكوا عبقرية فذة
المهم الايجابات ايه
1/ السؤال يحتمل اكتر من ايجابة ذكية وعبقرية من ايجاباتى المعدية والمليئة بالعبقرية الفذة زى مانتو عارفين ممكن تكون الفاكهة والخضار مش مكفيين الفيل او ممكن يكون الفيل مابيحبش الفاكهة خالص والخضار مليان دوا زى مانتو عارفين والايجابة التالتة ان الفيل يئس من تخنه وعجبه حاله وبالذات ان فيه فيلة مزة انما ايه عجبته وهيا فشلة برده او ممكن يكون شاف الغزالة اد ايه رفيعة وسفيسة كدة ومسمسة لكن يعينى ضعيفة ادام الاسد وبتتاكل وان الجتة والتخين الاسد بيغلب معاه يعنى هوا اقتنع ان الرفع والتخسيس ضعف والتخن هيبة وقوة
2/ههههههههه الركض لامام هوا نفس الركض للوراء لان الاتنين فى اتجاه واحد وبعدين مين قال ان الركض للمام بيزيد الوزن اما عجيبة والله الجرى والركض بيزيد سرعة وخفة الدم والبديهة هههههه افهموها بقى
3/والله انا اعتقد لان الصمغ اما ناشف اساسا او انه علشان مادة لزجة مع بعضيه كدة فمابيلزقش وبعدين تلاقى الصمغ ده صناعة مصرية ولا حاجة ههههههههه او انه علشان الصمغ يلزق لازم يكون محطوط بين سطحين جافين ومعرض للهوا علشان كدة تلاقوا الراجل اللى حط الصمغ فى الانبوبة قفلها يااا جماعة حد ينادى الراجل يفتح الانبوبة ده بوظ سمعة الصناعة المصرية قال صمغ شديد الفاعلية هوا فيه حاجة نافعة فى البلد دلواقتى
4/ادام التلفزيون اكيد او على القهوة بيتفرجو على مسرحية بنى ادم والاربعين حرامى وست واحدة مفترسة اكيد ماتسمعوش عن المسرحية دى لانى اول مرة اسمع عنها وانا بكتب الايجابة هههههههه ياااااسلام على العبقرية الجامدة
5/ اكيد اتحطت عن طريق الراجل اللى حطها هههههههههه تسالونى ازاى اقولوكى توصلت اخر ابحاث عبقريتى واستنتاجاتها ان الراجل اللى حط اللوحة حطها من غير مايقرا فيها ايه وكمان لايطبق قانون اللوحة الا بعد تثبيتها فى الطين بعد حفرة عمقها يجى 40 متر كدة وعرضها 70 متر على اساس انه بيدور على بترول ههههههههه
6/ بعد مانشفوا اللب بتاع البطيخ بيقع دايما منهم حبة لب وانا عارف الراجل اللى وقعوا فنزل حبة مية وبعد مدة يجى بشوية كتير كدة تصوروا لاقوا ايه
اكيد مالاقوش حاجة او يمكن لاقوا بس انا ماشفتهمش ههههههه قال ايه البطيخ الذى لا يحتوى على بذور قال هوا فيه فاكهة فى الدنيا ملهاش بذر هههههههه وبعدين اللب ده فايدته ايه
7/ بيقولوا سرعة الضوء اه انما سرعة العتمة فانا اعتقد وبعبقريتى الفذة انهم لسة ماحسبهواش لحد دلواقت علشان مش شايفين من العتمة الكبيرة وماقدروش يحددوا فين بداية النقطة الاولى لانهم بمرور الوقت جالهم نقطة وماتو وجيه اللى بعدهم ماتو برده واللى بعد بعدهم لاقى ورق مكتوب فيه حسابات كتيرة فقام الواد حمكشة الكهرباء ولع النور ولما ولع تصوروا الورق اتحرق لان النور ولع وولع فى المكان على شان كدة العتمة لاتحسب سرعتها لانه ممتدة وممتسعة وليس لها نقطة بداية او نهاية وغير منتظمة
8/ لان القطط بتارف منهم وبترجع انما قطط الشوارع بتحب تاكلهم كدة من غير نكهة وبعدين هيا الفئران ليهم طعم لازم نسال اى قطة فى الموضوع ده ولا على ايه اكيد لهم طعم امال اللنشون ده ايه يع بلا قرف فئران قال
9/ علشان مش عاوزينه يموت بالسم يا اعباقرة لانه محكوم عليه بالاحكام وبعدين عاوز اعرف اللى محكوم عليه بالاعدام اما يعدم بالشنق او بالكهرباء انما بالابرة وكمان معقمة الظاهر بيحبوه او عاوزين يهربوه
10/ اكيد علشان ماتتخبطش راسه فى الحيطة او على الارض على اساس انهم انتحاريون بجد او خايفين لايخروا دم ههههههههههه
11/ هوا ده السؤال الذكى ولا يحتمل الا ايجابة واحدة وهى مدام هايفتحوا لمدة عام كامل 24 ساعة اكيد اللافتات دى ولاقفال بيجهزوها علشان يقفلوا العام المقبل هههههههههههه
مش محتاجة مفهومية دى محتاجة عبقرية من عبقرياتى
هابقى ابعتلكوا شوية فى ازازة
ههههههههه هات الازازة واعقد لاعبنى دى الاسئلة طازة والحال عاجبنى
اوعى وشك انا جاى فى السريع ابقوا هاتو تانى مرة اسئلة تليق بمستوى العباقرة اللى زيى وزى خالد ازيك يا خالد ادخل نام ياض
سلامو عليكو

هههههههههههههههههههههه
هههههههههههههههههههههه
هههههههههههههههههههههه
يا سلام على العبقرية الفاذة هم تايهين عنك فين يا ابني
شكرا على المرور يا عبقري ههههههههههههههههههههههههههه
ويريت نشوف عباقرة تانيين عايزين نفجر المواهب المدفونة عند الأعضاء مش عايزين نحرم حد من حاجة هههههههههههههههه

1- خضار ايه وفاكهة إيه إلي بتخسس دا الدكتور بيقولك كل ربع طبق سلطة وموزاية أو تفاحة أو خوخاية والنظام دا مايمشيش الا مع البني أدميين إلي زينا أما الفيل فما عندوش دكتور تخسيس يعقدوا
2- احتمال كبير آه هتقولوا ليه لأنك وانته بتجري للخلف ممكن تقع تنكسر فتقعد في السرير من غير حركة وتقعد تاكل تاكل لحد ما وزنك يزيد
إن شاء الله باقي الاجابة بعدين أصلي ورايا شغل

ههههههههههههههههههه
طيب روح الشغل وبعدين
تعالى كمل الإجابات ماشي؟

ايه الموضيع الجامده دى من ورايا كل ده فجرتى عبقريه الاعضاء مكنتش اعرف ان عندنا مواهب جامده كدا
شكلك هتبدعى فى المنتدى لما اشوف فين باقى مواضيعك بس بلاش عبقريه من دى زى ما اتفقنا

محنا خلصنا الامتحانات بقي فلازم العبقريه تطلع ياوسام
هههههههههههههههههه
ولسه ياما في الجراب ياحاوي

طب عبقروا انتو يا بنات الواحدكوا شكلكوا فعلا بجد فاضيين
مانتو عباقرة ياريت نشوف العبقرية بانجاز وافكار حقيقية تطرحوها للمنتدى

والله يا أستاذ يوسف أنا أول ما اشتركت في المنتدى اقترحت اقتراحين
وواحد منهم اتنفذ والكل عجبه الاقتراحين وكل اللي في المنتدى بيتمنى
يكون المنتدى أحلى منتدى في الدنيا بس ما فيش مشكلة لما نهزر شويه
ونضحك مع بعض شوية بس ده كان قصدي من الموضوع
وعموما شكرا لحضرتك

خلاص ياجماعة انتوا هتشكلوا ولا ايه

موضوعك جميل يالشقيه

خلاص ايه هوا انا غلطت لو غلطت اسف وانا لو كان الموضوع ماعجبنيش ماكنتش اول واحد يرد خدى بالك من دى
وماتزعليش استمرى انتى بس فى المواضيع الحلوة دى ومحدش هايزعلك تانى ابدا
سلام
وبعدين ياست فجر انتى جاية تهدى النفوس ولا ايه

ههههههههههههههههه

هو كده بالضبط

المفروض يعينوني مصلح اجتماعي ولا ايه رائيك