قصيده ابليس

على باب سفاره كندا
لمحت أبليس وف أيده
أستماره
بقوله على فين
قالى بص
يا هجره يا أعاره
يا عم كفرت زهقت
ألاقيش معاك سيجاره
أنا أنتهيت خلاص
لا نافع وسواس ولاخناس
ولا ليا عيش وسطالناس
دى عالم مجرمين
عندكوا فائض ف الفساد
فى كل البلاد
ومش محتاجين شياطين
مليش عيش ف البلد دى
بقالى سنين عاطل
وأنتوا بتعرفوا تقلبوا الحق باطل
وتسلكوا القاتل
وتمشوا ف جنازه المقتول
ومفيش مشاكل
يا عم ده أنا بقيت أوسوس
بالمقلوب
وأقول للحرامى كفايه بقىتـــوب
أنت هتعمل كل الذنوب
لوحدك
وأنا أبليس أشتغل واعظ ولا كمسارى ف أتوبيس
يا عم دا أنا زمان كنت أستنى حد ينسى يسمى
وهو بيأكل لقمته
دلوقتى كل أكلكم ملوث
وبصراحه الواحد خايف على صحته
ده مفيش ضمير أساسا
علشان أموته
كل واحد بمزاجه خربانه ذمته
يا عم دا كل حاجه أتسرقت
وكده الأجيال الجديده من الحراميه
... أتظلمت
يا راجل دا من كتر ما لطشت معايا
خرجت ف مظـــاهره مع الناس اللى بتقول كفايه
!!وبرضـــه مفيش فايــــده

جميلة
فعلاُ أبليس معادش لقى حد يوسوسه على الشر من كثرة الشرور و الفساد اللى ملئوا الدينا وقلوب البشر الآن
شكراً على الوضوع

ههههههههههههههههههههههه
لأ حلوة بجد تسلمي يا قمرايه ودايما متألقه

القصيدة دي كان لازم تتقال في الحفلة بس الحمد لله قدر الله وماشاء فعل ياريت بقى كمان قصيدتين زي دي والمنتدى يتقفل بس احنا ان شاء الله مش هنسكت سنقوم بأنشاء واحد تاني وأقترح يكون اسمه أبو زعبل دوت كوم

هههههههههههههههههههههه

جميلة جداااااااااااااااااااااااااااااا