قصيدة بعنوا ن ( على فين رايحين .............. ؟)

قصيدة بعنوا ن
( على فين رايحين .............. ؟)

كلنا ماشين ............ بس على فين رايحين ؟
ياترى الى ........... ميدان التحرير ؟
عارفين احنا اية عايزين التغيير ولا التدمير
قالوا علينا متساقين احنا مش فاهمين
قالوا فيهم مدربين ازاى يعملوا التغيير
لو كان بينا مخربين احنا منهم متيرئين
قالوا هرب مجرمين وكمان هرب مساجين
ازاى احنا مش فاهمين وكمان مش متاكدين
اتجمعنا مع بعضنا هادفين للجان شعبية مكونين
قالوا فين بلطجيين بس احنا مش مسؤلين
ظابط او عسكرى دول مش موجودين
عايزين نعمل اية ...؟ نقف متكتفين ........ ؟
لاء......... احنا قادرين عن نفسنا نكون مسؤلين
بس انتم تكونوا بنفسكم متكفلين


مع تحياتى شاعر ثورة التحرير
أ / مصطفى حمدى

بسم الله الرحمن الرحيم
اولا مرحبا بيك يا درش عضو جديد معانا ولو أن التسجيل جه متأخر شوية ولكن يبدوا إنك جاي جاهز ومستعد بأشعارك ودي حاجة تسعدنا
ثانيا اهنئك على قصيدتك المعبرة هذه ولو أنها جائت متأخرة بعض الوقت إلا أن ذلك لا يؤسر عليها ولكن يطلب منك أن تكتب أيضا عما هو يحدث الآن
ثالثا هناك بعض النقد الذي اود ان اوجهه الى هذه القصيدة التى نسبتها للشعر العامي
1- البيت الاول اشعر بأنه ثقيل على أذن السامع فما رايك في أن نقول
كلنا ماشين بس يا ترى على فين رايحين ؟
2- طالما هناك سؤال لابد من اجابة ليكون البيت الثاني
احنا ماشين احنا رايحين لوجهتنا ميدان التحرير
3- الشط الخاص ب( قالوا علينا متساقين احنا مش فاهمين) تجده ثقيل على الاذن ايضا
ممكن نغيره الى قالوا علينا متساقين وقالو علينا مش فاهمين
او مرة يقولوا دا متساقين ومرة يقولوا دول مش فاهمين
4- الجزء الخاص بقالوا فيهم مدربين ازاى يعملوا التغيير
ممكن يبقى
قالو دا فيهم مدربين ازاي يعملو التغيير
وقالوا معاهم مدربين جايين راعبين الملايين
دا كلام ناس مش عاقلين
لو كان بينا مدربين ازاي ننزل بالملايين ولو كان بينا مخربين فاحنا منهم متبرئين
5- ما هو الاصل العام لكلمة بلطجيين
هو في حاجة اسمها بلطجيين
ممكن تخليها قالوا معاهم مروعيين بس احنا مش مسؤليين
شوفوا العسكري ولا الظابط سابوا الخدمة وراحوا لفين
وفي النهاية ادعوا الله ان يوفقنا جميعا في اعمالنا وان ينفع بعضنا ببعض
وجزاك الله خيرا

السلام عليكم ورحمة الله وبركاته انت بهدلت القصيده خالص هههههه طب متكتبلنا حاجه كده بمناسبه الى بيحصل . واه المهم احنا فعلا ريحين على فين وايه الى احنا عاوزينوا حتى لو مش احنا الى كنا فى الميدان بس اتحطينا فيه وخلاص زمام الامر فلت . التغير الان اصبح فى الدستور والحكومه عموما وبس . طب واحنا والانظمه الداخليه البسيطه متبهدله والناس هى هى متغيرتش والاسعار مازالت غاليه والتعليم هو هو والمدارس كما هى والمعلمون كما هما . وغيره فماذا بعد الثوره والتغير فنحن الشباب المعلمون علينا العبئ الاكبر الان فالله المستعان .