اسئله غير عاديه

ايه ياجماعة فين اجاباتكم علي الاسئله



لازم كلنا نشارك

بسم الله الرحمن الرحيم
الايجبات اهى
اول الكلام انت مش ممكن تاخدى مثلا الايجبات دى على انها منطقية لان فى رائ زى ماالزمن قابل للتغير فالانسان قابل للتغير وبالتالى شخصيته قابلة للتغير وبدون لف ولا دوران ادخل فى الايجبات
اما عن نقطة ضعفى انا مش عارف هيا حجات كتير بس يمكن اللى انا حاسه هيا العاطفة والطيبة المبالغ فيها
الايجابة التانية
انى بكرهك كره العمى
الايجابة التالتة
البطالة والعذوبية
الوحدة
الايجابة الرابعة
لا اتمنى الموت فالاحياة حلوة رغم معرفتى بان متاعها زائل واعتقد ان تمنى الموت يدخل سبيل الشيطان لبث افكاره السيئة عن الانتحار
الايجابة الخامسة
الوحدة والاكل الكتير
الايجابة السادسة
انت بتحب حد؟
الايجابة السابعة
طبعا قريب لانى لا احب الاسماء المستعارة فانى افرح باسمى كتير وهوا لايق عليا
الايجابة التامنة
ان يرضى عنى ربى ويسترنى
الايجابة التاسعة
الله اعلم وقت اللزوم رغم معرفتى ان هذا لايجدى بشئ
الايجابة العاشرة
لو كان ده من شخص انا بحبه جدا اكيد هازعل اوى اما ان كان من شخص عادى بالنسبة لى فا هيا مش فارقة معا اما من كان من شخص اصلا انا مبحبوش اكيد هاحرص منه
الايجابة الحادية عشر
كسر قلبى لان الكرامة لا تعوض انما لو كسرت قلبى وحرمته من شئ معين كنتعاوزه فده امر مؤقت لان النعمة الحلوة اللى ربنا اداها لينا النسيان
12/
لاعز محبوبة لدى امى ثم زوجتى وحبيبة عمرى اللى ربنا هايهديها ليا وتكون زوجة المستقبل اللى لسة ماقبلتهاش
13/
اكيد بس احذره لان ربنا بيغفر الذنوب مابالك بعباده وبعدين ان غفرت له اكيد ممكن حد يغفرلى
14/
الحياة حلوة بس نعشها من القلب
15/
اللى بحبه من القلب
16/
اكثر شخص يخاف عليا فى الوقت الحالى اكيد امى اما الشخص اللى بخاف منه اللى بيكرهنى
17/
الافلام الرومانسية ونهايتها وحشة مكنتش اتمناها الى جانب لما افكر فى الاخرة
18/
بالطبع لا
19/
حب للناس ماتحبه لنفسك وبعدين لسة ادامنا عمر الله اعلم بقدره وكل يوم فيه جديد وادينا بنتعلم

ده يا ست فجر جوانب من شخصيتى من خلال اسئلتى وزى ماقولتلك الانسان كل يوم جوانب كتير من شخصيته بتتغير بتغير الزمن والبيئة المحيطة

ممكن تجاوبى انتى بقى عن شخصيتك

ليه بس الاحراج ده

بس مفيش مشكلة لان احنا اتفقنا علي الصراحة والصدق

1-ماهي نقطه ضعفك
نقطة ضعفي هي قلببي

2-ماهي اصعب كلمه ممكن ان تقولها لشخص؟

انا بكرهك

3-ماهي مشكله العصر في نظرك؟
العنوسة

4-ماهو الشي الذي يطاردك في كل مكان وانت تهرب منه؟
لاء مفيش حاجه بهرب منها الحمد لله


5-هل تمنيت الموت يوما؟ومتى؟

لما اكون مخنوقه اوي ومش قدرة بس برجع استغفر ربنا واهدي


6-ماهي الطريقه التي تعبر فيها عن غضبك؟

البكاء

7- سؤال ( تود ان يسألك أحداً إياه ) ؟

انت بتتحبي

8-هل اسمك المستعار قريب من شخصيتك؟

ايوةوانا فعلا بحب اسمي جدا وايضا اسمي المستعار قريب جدا من اسمي


9-ماهو دافعك بالحياه؟

ان اسعد زوجي

10-متى تكذب؟

اما ازنق اوي بس بيبقي بهزار ولكن دايما بنكشف


11-ماذا تفعل لو قال لك شخص اني اكرهك؟
هضايق جدا طبعا لانمحبش حد يكرهني بس لو مش عزيز عليا اومش حد من اصحابي خلاص مع السلامه

12-لو انك خيرت كسر امرين(قلبك) او(كرامتك) من تختار؟

بيني وبين زوجي هختار قلبي وهاجي علي كرمتي شويه لان مفيش بين الزوجين حد يتمسك بكرمته علشان الحياة تمشي بس الحمد لله هو عمره مداس علي كرمتي


13-لمن تهدي قلبك؟

اكيد يعني لحبيبي (زوجي)

14-هل تغفر لمن كذب عليك؟
هغفر له بس بفضل شيلة جوايا مش بصفي بسرعة


15-ماهو شعارك بالحياه؟

وما الله بغافل عما تعملون


16-انت قوي فاذا(من الشخص الذي تضعف امامه)؟

بضعف قدام زوجي


17-من اكثر شخص يخاف عليك واكثر شخص تخاف منه؟

اكتر شخص يخاف عليا هم اتنين امي وزوجي

مش بخاف الا من ربنا غز وجل

18-مالشئ الذي يبكيك؟

اما اكون زعلانه من زوجي او هو زعلان مني

وما احس ان انا عملت حاجه غلط او ازعل بابا


19-(للرجل) هل توافق شغل المرأه؟

معلش انا هجاوب علي السؤال ده

انا لااوافق علي شغل المراة نهائيا المراة ملهاش غير بيتها فقط هو الاول والاخير لان لو المراه اشتغلت اكيد هتقصر في حاجه من الاتنين البيت او الشغل والاكتر هتقصر في البيت


20-ماذا علمتك الحياه؟

ان مش كل حاجه حلوة بتستمر


ودي اجاباتي

عوزين بقي نشوف اجابات باقي الاعضاء

1-نقطه ضعفى للاسف انى عصبيه

2- بكرهك

3-بعد الناس عن ربنا

4-مفيش حاجه

5-لا انا مبتمناش الموت لا عارفه ان اى مشكله ليها حل وكمان الامام الشافعى بيقول
ضاقت فلما استحكمت حلقاتها فرجت وكنت اظنها لا تفرج

6-ان اكون لوحدى وامشى كتييييييييير

7-مفيش على بالى سؤال

8-اسمى المستعار الى حدما قريب من شخصيتى وبحاول انى اكون فعلا كده

9-دافعى انى ارضى ربنا وبابا وماما

10-غالبا مش بكذب وبقول الحقيقه والى يحصل يحصل لانى بطبعى جريئه

11-هقول الحمد لله عشان احذر منه بعد كده
ومش هزعل عليه لان الى يكرهنى ميلزمنيش فى حاجه

12-لا طبعا قلبى لكن كرامتى استحاله
لان انا الحمد لله مفيش حاجه تكسر قلى مهما كانت

13-انا شعارى قلبى ملك ربى
لكن فى الحياه قلبى لماما وبابا وزوجى فى المستقبل

14-لا انا ممكن اغفرله بس عمرى ما بنسى ابدا وبفضل شيله من الشخص ده

15-شعارى
من يتقى الله يجل له نخرجا ويرزقه من حيث لا يحتسب
زمن ترك شىء لله عوضه الله بخير منه

16-بابا بضعف قدامه جدا مع انى بكره اصلا الضعف

17-اكتر حد بيخاف عليا طبعا ماما
والحمد لله مفيش حد بخاف منه بس بخاف دايما من بكره والشىء المجهول

18-الى يبكينى انى احس انى عصيت ربنا او زعلت بابا وماما
او اشوف حد مظلوم

19-انا كمان معلش هجاوب على السؤال ده
انا برفض شغل المرأه (وقرن فى بيوتكن)

20-ان الى يعيش ياما يشوف
وان اكون قويه قدام اى مشكله مهما كانت صعبه وزى ما فيه ايام صعبه فيه ايام حلوه
ومادام برضى ربنا مخفشى من اى حد

شكرا يا فجر النور على الموضوع الجميل ده

شكرا ليكي ياسمسم

ياتري مين اللي عليه الدور في الاجابه


كل الاعضاء يجاوبوا

على فكرة انا عاوز اقول ان الاجابات الي قلتها انا حطتته فكاهة بس من غير كدب لان شعاري غموض شخصيتي يفيدني في كثير الأحوال ومش معقول افش اسراري كده على طول 1- عيني



2-يا ولا

3-الخلاطات كتير

4- خيالي



5- مش فاكر

6- السكوت احيانا

7 اسمك ايه

8- كتير بس محدش واخد باله

9- سؤال شخصي شوية

10- الحمد لله ربنا سترها معايه

11- اقوله وانا احبك اد كرهط ليه

12 اكسر ايد الي يحاول يعمل حاجة زي دي

13 – القلوب بيد الله

14- اكيد 15- وردة لكل مواطن

16 – اذا كان قصدك على بني ادميين فهي امي

17- امي

18-

19- اذا كانت تحتاج للعمل

20- ده كلام كبير قوي

اشكركم يا جماعة على المشاركات الممتازة والصريحة نوعا ما
بس احب اقول كلمة لخالد ياريت تكون على صراحة وشوف انت بتكتب فى اى منتدى ولازم تعرف انى رئيس جمهورية القسم بتاعى وشعارى فى المنتدى اظن واضح حوار صريح مش صريح بس كدة عشان ماسيبهاش عايمة سميته حوار صريح جدا يبقى لازم فى حوارنا الشفافية مع انى مش عارف يعنى ايه شفافية بس بسمعها كتير فى التلفزيون ولو كانت شتيمة حد يقولى يبقى لازم من الاعضاء واللى يشارك فى القسم بتاعى يبقى صريح او شفاف احنا مش هناكل حد صح يا جماعة ولا انا غلطان




معلش اتعصبنت شوية وكنت اوفر اوى بس ده خالد صاحبى ولازم نلتزم بالقواعد وبعدين ياعم خالد رجاء من اخوك الصغير شغل اكواد bbcode من عندك وياريت تضيف لينا بعض الايقونات والتحابيش اللى بنلاقبها فى المنتديات التانية وبطل لعب وارجو المتابعة المستمرة للمنتدى

ياجماعة القسم اللي بنتكلم فيه اسمه حوار صريح جدا

يعني المفروض نتكلم بصراحه وبصدق مهما كانت العواقب

وبعدين كلنا اتكلمنا بصراحه فمحدش يستهزا