مين هيضحك على مين

البردعى لا يصلح رئيساوجمال مبارك هوالأصلح إذا امتنع الرئيس عن الترشح

فى أول رد فعل حكومى بعد حوار محمد البرادعى لـ«الشروق» حول ترشحه لرئاسة مصر، قال وزير الصحة حاتم الجبلى: «إن رجل الشارع البسيط لا يثق سوى فى مبارك رئيسا للجمهورية.. لشعور المواطن بأنه صمام أمان له.. فمهما حدث للمواطن من مشكلات يعلم ان الرئيس مبارك سيقبل على حلها».

وشدد وزير الصحة لبرنامج «واحد من الناس» الذى أذيع على قناة دريم مساء أمس الأول على أنه «فى حالة امتناع الرئيس مبارك عن خوض الانتخابات الرئاسية سينتخب جمال مبارك إذا كان من ضمن مرشحى الرئاسة لأنه أكثر الشخصيات السياسية إلماما بمشكلات المصريين».

وأكد الجبلى أن د. محمد البرادعى لا يصلح أن يكون رئيسا لمصر.. لأنه لا يعلم شيئا عما تعانيه مصر من مشاكل.. فليس معنى حصوله على جائزة نوبل أنه مؤهل لشغل هذا المنصب. وقال عن عمرو موسى الأمين العام لجامعة الدول العربية: «لا أعرفه عن قرب حتى أحكم على مدى أهليته لمنصب الرئاسة من عدمه».
يا جماعة ياريت الجميع يكتب رأية بصراحة فى هذا الكلام ياريت يكون تعليق علمى دون أندفاعات وعواطف !!!
المصدر : http://100fm6.com/vb/showthread.php?t=66711 - 100fm6.com

السلام عليكم
يسعدنى انى اكون اول من يرد على موضوعك ده
الاول احب اشكرك على الموضوع القيم والجميل والمواكب للاحداث فعلا
انا هارد عليكى واقولك رد حلو اوى اللى كل الشعب بيقوله اكيد ان اى حد من الحزب الوطنى عامة والحكومة التنفيذية خاصة لازم ولابد يقول نفس الكلام اللى قاله حاتم الجبلى ده لانه طبعا خايف على كرسيه بصى بقى مهما كانت شخصية اللى ادامك او اعماله مدام هوا فى كرسى الحكومة لازم يخاف على منصبه ولازم طبعا يكون مع اى حد يرشحه الريس ويشاورلهم عليه اى كان مين والله دلو الريس رشح ان يكون خليفته علاء مش جمال هايقول الجبلى وغيره نفس الكلام
اما دى حاجة تضحك والله بيقول ان جمال ملم بمشاكل مصر مشاكل مصر اللى هيا من ايام محمد على ولسة متحلتش هايجى واحد لسة عنده 35 او 40 سنة يلم بيها طب انا ممكن اخدلى شهر قراءة فى تقارير مفبركة واقول انا ملم بالمشاكل بتاعة مصر كلها الناس دى شكلها بتضحك على نفسها دا احنا مانسمعش عن جمال الا من حوالى 6 سنين بس ده حتى هوا لسة عيل ويقولك رئيس
اما لو انتى عاوزة رائى بصراحة عن البرادعى فالبطبع هو شخصية سياسية محنكة بس انا مع حاتم الجبلى فى نقطة ان بعده عن المناخ السياسيى فى مصر طوال المدة دى كلها ممكن يكون غير ملم بشكل كافى بمشاكل مصر الداخلية والكبيرة
اما انتى لو عاوزة رائى انا برشح عمرو موسى انها يكون هوا الرئيس الراجل ده بقالوا كتير امين عام وكمان عايش فى مصر والراجل ده بجد ساعات بحس من كلامه انه عاوز يعمل حاجة بجد نفسه يعمل وحدة اى كانت نوعها بين العرب واقتناعه التام ان الوحدة دى اى كانت نوعها فهيا عشان تتم وبنجاح لازم تتم وتبدا من مصر لان اى تغير يحدث لمصر سواء بالسلب او بالايجاب لا بد وحتما لما يحدث فى مصر هاينعكس كله باثاره على الدول العربية كلها بحكم موقع مصر ومكانتها
المهم ان الراجل ده انا رائى هما مش عاوزينه يرشح نفسه ليه اقولك ده فرائى السلطة الغربية هيا اللى بتتحكم فى مصير الانتخابات دى وهيا عارفة ان عمرو موسى لو رشح نفسه هاينجح ويعمل حاجات كتير هاتاثر على امريكا فى المقام الاول وعلى اوربا واسرائيل فى المقام الثالث
اما عن ان مبارك شعور المواطن انه الحصن لامان فى مصر
فاحب اقوله انه غلطان لان الامان ده ربنا اللى وضعهافى مصر مش بمبارك او اى حد يقدر يرفع الضرر عنمصر بالذات
وبعدين هوا كان عمل ايه لمصر انجازات تحسب له فى التاريخ
يعنى مثلا عبدا الناصر له انجازات كتيرة جدا ناجحة والانجاز الوحيد اللى اتمه بشكل جميل هوالسادات ولو كان راجل ده لسة عايش الله اعلم كان من الممكن مصر دى تبقى حاجة تانية بس هما كدة العظماء فى مصر مالهمش مكان فى مصر او فى الدنيا
اما عمنا مبارك فتقدرى تقوليلى عمل ايه لمصر انجاز واحد ككمله على اكمل وجه وجاب مكاسب لمصر
لاسف مش هاتلاقى حاجة تقوليها لانى ححاولت ادور مالقتلهوش حاجة نافعة بصراحة
بل لاسف كل حاجة يعملها تنتهى بالفشل والفساد برغم المصاريف المبالغ فيها اللى اتصرفت على مشاريعه
اما نشوف اللى جاى هايعمل فى مصر ايه
وتعرفى انه من مصلحة الغرب انه يعينوا واحد لسة عضمه طرى زى جمال مبارك شاب لسة ماشبعش من الفلوس ونفسه يمسك منصب وكرسى كبير ولانهم عارفين انه مش هايعمل حاجة لانه هايبقة تحت طوعه وان الشعب متازم منه ومش عاوزين يبقى فيه بوش الاب وبوش الابن فى مصر
واقولك حاجة مصر دى مش هايتغير فيها حاجة الا اذا اتبعنا سنة رسول الله صلى الله عليه وسلم
وقول الله (لا يغير الله مابقوم حتى يغيروا مابانفسهم) صدق الله العظيم
واحب اقولك مقولة قالها احد الحكماء والصالحين
انه كلما ازداد الضنك كلما اقترب الفرج
والسلام ختام ومستنى الردود

والله ياعم خالد الموضوع بجد شائك
واجاوبك على السؤال الاول بسؤال انت شايف ايه هل مصر دلواقتى فى حالة كويسة لا تستدعى اننا نفكر حتى فى التغير على اساس اننا مابنعملش باللى بنفكر فيه او ان الحالة دلواقتى معدومة جدا وتحتاج لعناية وانعاش وحد ينفخلها فى بقها علشان يديها شوية اكسجين ممكن تفوق من الغيبوبة اللى عملتها فى الحكومة فينا طوال 35 سنة من الحكم الحالى
السؤال الثانى انا شايف انه اكيد فيها كتير وكتير اوى بس العناصر اللى زى دى للاسف يا ما جبانة بعض الشئ ياما الحكومة الحالية والدول الغربية مش من مصلحتها انا تقوم لمصر اى قومة لانى زى ماقولت انه اى تغير يحدث فى مصر ياثر بالسلب او بالايجاب على الشرق الاوسط والعالم العربى كله وانت عرف ليه
السؤال الرابع بنتعلم ليه قول انت ليه عشان يمكن كلنا مع بعض نفهم حقيقة واحدة ونتوحد فيها يمكن نوصل مع بعض الى منطقية موحدة واسلوب واحد فى التفكير ونغير بقى
نحن لا نتفق مع الجبلى تمام الراجل ده بقاله بالظبط وتقريبا 3 سنين فى الوزارة وان قال غير الكلام اللى قاله ده صدقنى تانى يوم هايكون قاعد فى بيته ده اذا لو متسجنش لذالك هاتلاقيه عنده المنصب فى المقام الاول قبل ترشيح مين ولو انت كنت قرات تعليقى كنت فهمت وجهة نظرى كويس
عاوزين ردك انت بقى يا كبير على الموضوع وعلى اسئلتك ولا خايف
!!!!!!!!

ارئكم بجد عظيمة وليها أحترامها وعندى شعور قوى أن دة معظم رأى الكثير من الناس ولكن عندى شعور مساوية فى القوة أن اللى خاللى مبارك يكسب فى الانتخابات السابقة هيخلى أبنة لو أترشح هيكسب

والشعب كلة هيغضب فى نفسة كالعادة ومابينة ومابين بعضة ويستغربوا أزاى كسب وبعد كدة هيقبلواويقولوا يارب000000000000000000 اللى جاى بعدة يبقى أحسن


تعرفوا الشعب المصرى عندة قدرة غريبة على الصبر والتحمل لدرجة عدت كل الحدود ياترى دى ميزة ولا عيب؟؟؟؟

السلام عليكم
ارائك واضحة يا خالد وكمان انتى ياشمس واحب اجاوبك على سئالك
بالطبع الصبر صفة جميلة لازم يتحلى بيها اى مؤمن
بس احنا اتعلمنا ان الشئ اللى يزيد عن حده ينقلب لضده
وانا شايف ان اللى فيه الشعب المصرى الان مش صبر ولا حتى رضا
ده اعتقد بنسبة كبيرة منه جبن وسلبية والسبب فى ده الحكم الاوتوقراطى العسكرى الدائم لمصر منذ عصور كبيرة من ايام الفراعنة الى الان حكم فى حد ذاته او فى داخله دكتاتورى والشعب اتعود على السلبية دى لذالك لابد من التغير ولازم يكون الحاكم من الشعب اى مدنى واهو هانشوف هاينفع ولا احنا فعلا ماينفعش معانا الا الحكم الاوتوقراطى
والسلام ختام ليكى يا شمس انتى وخالد وباقى اعضاء المنتدى

العنوان مين بيضحك على مين الحكو مة طبعا بتضحك علينا هو احنا مهما قولنا عايزين حسني او ابنه اوغيرهم حد هيسمعلنا ابسط مثال علي كده مركز اجا كل انتخابات المجلس بيفوز اثنين من الحزب الوطني و اللى يخليهم ينجحوا اللى عايزينه فى الانتخابات دى ينجح اللي عايزينه في رئاسة الجمهورية فنحن شعب مغلوب على امره لانملك سوى الكلما