قصيده بعنوان البلد دى بلدك

البلدى دى بلدك والناس دول كمان اهلك
يبقى بلاش تخرب علشان الحاجه دى بتاعتك
التغيير اكيد من حقك بس محدش يكون سايقك
كل حاجة فى البلد دى بتاعتك وكمان هتكون ملكك
يبقى بلاش تستغرب ولا تسافر ولا تتغرب
بس لبلدك تطور وتعمر مش تخرب وتدمر
بلدك تانى مش هتتدهور لانك مش هتديها ظهرك
لكن هتغير وهتحرك وهتفديها كمان بمدك
علشان يقولوا عنك التغيير كان من حقك
يبقى لازم نطور ولبلدنا كمان نغير
مش هيكون بقى فينا طرطور ولا حاسد ولا غيور
وكمان بنقول للمغرور بكرة هيجى عليك الدور
اما بقى المغمور بجهودة هيشوف النور
مش هيفوتة تانى الدور وكمان هيكون مشهور
مش بوساطة ولا بفلوس ولا على بلدك تانى تدوس
يبقى نقول للمعتصمين بلاش نكون مخربين
وكمان نكون فاهمين دى بلدنا ونكون واعيين
وكمان نكون قنوعيين مش لبطونا بقى فاتحيين
برزقنا نكون راضيين ونعطى فرصة لناس تانين
مش لكل حاجة عايزين وبغيرنا مش مهتميين
علشان نكون مطورين لازم نكون متحدين

بصراحة شعرك بدأيطور أيوه كده ههههههههههههههههههههههههههههه يبدو ‘ن نقد المرة الماضية جه بفائدة جميلة وفي انتظار القادم

كلام زى الفل ربنا يزيد من موهبتك